ކަންގަނާ ރަނާވަތުގެ އުފަންދުވަހުގެ ހަދިޔާއަކަށް އޭނާގެ ކުރިއަށް އޮތް ފިލްމު "ތަލައިވީ"ގެ ޓްރެއިލާ ދައްކާލުމަށް ފިލްމުގެ ޕްރޮޑަކްޝަން ޓީމުން ނިންމައިފި އެވެ. ކަންގަނާގެ އުފަންދުވަހަކީ މާރިޗު 23 އެވެ.
"ތަލައިވީ" އިން ކަންގަނާ ފެނިގެން ދާނީ ޖޭ ޖަޔާލަލިތާގެ ރޯލުންނެވެ. މި ފިލްމުގެ ޓްރެއިލާ ކަންގަނާގެ އުފަންދުވަހު ނެރުމަށް ހަމަޖެހިފައިވާއިރު މި ފިލްމު ސިނަމާތަކުން ފެނިގެންދާނީ އޭގެ އެއް މަސް ފަހުން އޭޕްރީލް މަހުގެ 23 ގައެވެ.
ވިޖޭގެ ޑައިރެކްޝަންގެ ދަށުން ކުރިއަށްދާ މި ފިލްމަކީ އިންޑިއާގެ ވަރުގަދަ ސިޔާސީ ޝަހްސިއްޔަތު، ޖަޔާލަލިތާގެ ދިރިއުޅުމުގެ މައްޗަށް ބިނާކޮށް އުފައްދާފައިވާ ފިލްމެކެވެ. މި ފިލްމު ޕޮރޮޑިއުސް ކޮށްފައިވަނީ ވިޝްނޫ ވަރްދާން އިނދޫރޯ އަދި ޝައިލެޝް އާރް ސިންގއެވެ. ކޯ ޕޮރޮޑިއުސަރުންނަކީ ހިތޭޝް ތައްކާރް އަދި ތިރުމަލް ރެޑީއެވެ.
View this post on Instagram
މި ފިލްމު 23 އެޕްރިލްގައި ރިލީސް ކުރަން ހަމަޖެހިފައިވާއިރު، ހިންދީ ތަމިލް އަދި ތެލުގޫ ބަހުން ފިލްމު ބެލުންތެރިންނާ ހަމައަށް ގެނެސްދޭނެ އެވެ.
ތަލައިވީ ކުޅުމަށް ކަންގަނާގެ ދިރިއުޅުމަށް ވަރަށް ގިނަ ބަދަލުތަކެއް ގެންނަން ޖެހުނެވެ. އެގޮތުން ބާރަތްނަތިޔަމް އަދި ތަމިލް ބަހުން ވާހަކަ ދައްކަން ދަސްކުރުމާއި ޖަޔާލަލިތާގެ ވާހަކަދެއްކުމާއި އަދަބުތައް ދަސްކުރުން ހިމެނެއެވެ.
މި ފިލްމަށް ވަރަށް ގިނަ މީހުން ދަނީ އިންތިޒާރު ކުރަމުންނެވެ.
