ޖާންވީ ކަޕޫރަކީ ފިލްމީ ދާއިރާގައި އަރަމުން އަންނަ އުންމީދީ ތަރިއެކެވެ. އޭނާވަނީ މިހާތަނަށް ތަފާތު އެކި އެކި ރޯލުތަކުން ފެނިގެންގޮސްފަ އެވެ. އޭނާ ވަނީ އޭނާގެ ތަފާތު އެކްޓިންގގެ ސަބަބުން ބެލުންތެރިންގެ ސަމާލުކަން ހޯދާފައެވެ. މީގެ އިތުރުން ޖާންވީ އޭނާގެ ރީތިކަމަށްވެސް ވަނީ މަޝްހޫރުވެފައެވެ. ގިނަ ބަޔަކު ގަބޫލުކުރާ ގޮތުގައި ޖާންވީއަށް އޭނާގެ މަންމަ ޝްރީދޭވީގެ ހުނަރުވެރިކަމާއި ރީތި ކަން ލިބިފައިވެއެވެ.
ޖާންވީއަކީ ދުރަތީ ރީތިކަމެއް ލިބިފައިވާ ފަރާތެއް ކަމަށް ވިޔަސް ޖާންވީ ވެސް އޭނާގެ ހަންގަނޑު ރީތިކޮށް ބެހެއްޓުމަށް އެހެންމީހުންނެކޭ އެއްފަދައިން މަސައްކަތް ކުރެއެވެ. އަދި އޭނާވަނީ އޭނާގެ ހަންގަނޑު ރީތިކޮށް ބެހެއްޓުމަށް ބޭނުން ކުރާ، ޔަގީނުންވެސް ނަތީޖާ ފެންނާނެ "ޓިޕްސް" ތަކެއް ބެލުން ތެރިންނާ ހިއްސާ ކޮށްފަ އެވެ.
View this post on Instagram
އެންމެ ފުރަތަމަ ކަމެއްގެ ގޮތުން ޖާންވީ ބުނެފައިވަނީ ވީހާވެސް ގިނައިން ފެން ބުއިމަށެވެ. އަދި އަބަދުވެސް އުފާވެފައި ހުރުމަކީ އޭނާގެ ރީތިކަމުގެ ސިއްރުކަމަށް ޖާންވީ ވަނީ ބުނެފައެވެ. އެގޮތުން އޭނާ ބުނެފައި ވަނީ އުފާވެފައި ހުރުމުން މޫނަށް ތަފާތު އަލިކަމެއް އައިސްފައި ހުންނަ ކަމަށެވެ.
އިތުރަށް ވާހަކަ ދައްކަމުން ޖާންވީ ބުނެފައިވަނީ ހެދުނުގެ ނާސްތާއަށް ބޭނުންކޮށްފައިވާ މޭވާ ތަކުގެ ތެރެއިން ބާކީވާ މޭވާތަށް ކިރު ނުނީ މާމުއިއާއި އެއްކޮށްގެން މޫނުގައި ހޭކުމަށެވެ.
އެގޮތުން ކަންތައް ކުރުމުން ހަންގަނޑު އޮމާންވެފައި މޫނުން މީރު މެވާގެ ވަސް ދުވާނެކަމަށެވެ. މީގެ ކުރިން ޖާންވީ ބުނެފައިވަނީ އޭނާ އޯޓްސް ކާނަމަ އޭގެ ބާކީ ބައި އަބަދުވެސް މޫނުގައި އުނގުޅާ ކަމަށެވެ. އޯޓްސްއަކީ އޭގައި ވަރަށް ގިނަ ސިއްހީ ފައިދާތައް އެކުލެވިގެންވާ އެއްޗެކެވެ. އެގޮތުން އޯޓްސް މޫނުގައި އުނގުޅުމުން އޭގައި ހުންނަ އެންޓި އިންފްލެމެޓަރީ މާއްދާތަކު ސަބަބުން ހަންގަނޑު ކުރަކި ވުމުން ސަލާމަތްކޮށްދީ އޮމާންކޮށް ބަހެއްޓުމަށް އެހިވެދެއެވެ.
