ކަންގަނާ ރަނާވަތު އިންސްޓަގްރާމުގައި ހިއްސާ ކުރި ސްމޫތީ ތަށްޓެއްގެ ސަބަބުން މުޅި ސޯޝަލް މީޑިއާގައިވަނީ ހައިޖާނު އުފައްދާފައެވެ. އެގޮތުން އިންސްޓަގްރާމާއި ޓްވިޓާގައި ކަންގަނާ އާއި ބައެއް ބެލުންތެރިންގެ މެދުގައިވަނީ ބަހުގެ ހަމަލާތަކެއް ބަދަލު ކޮށްފައެވެ.
ކަންގަނާ މި ފޮޓޯ ހިއްސާ ކުރުމުން ބައެއް ބެލުންތެރިން ބުނެފައިވަނީ އެ ފޮޓޯއަކީ ކުރިންވެސް އިންޓަނެޓުން ފެނިފައިވާ ފޮޓޯތަކައެއް ކަމަށާއި އެއީ ކަންގަނާ ގޫގްލް އިން ނަގާފައިވާ ފޮޓޯއެއް ކަމަށެވެ. މީގެ ރައްދެއްގެ ގޮތުން ކަންގަނާ ބުނެފައިވަނީ އޭނާއަށް އޭނާއަކީ ހުނަރުވެރި މީހެއްކަން އެނގޭ ކަމަށާއި އެހެންނަމަވެސް ޕްރޮފެޝަނަލް ފޮޓޯގްރަފާއެއްގެ ފެންވަރު ހުންނަ ކަމެއް ކުރިއަކުން ނޭގޭ ކަމަށެވެ. އޭނާ ވަނީ އެ ސްމޫތީ ތަށްޓަކީ އޭނާ އަމިއްލައަށް ހެދި އެއްޗެއް ކަމަށް ތަކުރާރުކޮށް ބުނެފައެވެ.
Just last week I lost more than 5 lakh followers on Instagram,this is mafia racket,they gang up on you boycott you and if that leaves you happy and content they ruin your image and brand that’s how they killed Shushant,that’s how they harass outsiders who don’t need them for work https://t.co/0L8ine4UIM
— Kangana Ranaut (@KanganaTeam) March 4, 2021
އިތުރަށް ވާހަކަ ދައްކަމުން ކަންގަނާ ބުނެފައިވަނީ އޭނާއާއި ދެކޮޅަށް އިންސްޓަގްރާމުގައި ކެމްޕޭނުތަކެއް ކުރިއަށް ގެންދާކަމަށެވެ. ހަމައެކަނި މިދިޔަ ހަފްތާގައިވެސް އޭނާއަށްވަނީ 5 ލައްކަ އަށްވުރެ ގިނަ ފޮލޯވާސް ގެއްލިފައެވެ. އެއީ ހަމަ އެކަނި "ބޮލީވުޑް މާފިއާ" އިން އޭނާއާ ދެކޮޅަށް ހިންގާ ކަންކަމުގެ ސަބަބުން ގެއްލުނު ފޮލޯވަރުން ކަމަށް އޭނާ ދެކެއެވެ.
މީގެ އުތުރުން އޭނާ ބުނެފައިވަނީ މީހަކު އުފަލުގައި އުޅޭނަމަ އެމީހެއް ބޮއިކޮޓްކޮށް އުނދަގޫކޮށް ހަދާ މީހުން އިންޑިއާގެ ފިލްމީ ދާއިރާގައި އުޅޭކަމަށާއި، ސުޝާންތުގެ މަރަކީވެސް ހަމަ މިފަދަ ކަމެއް ކަމަށެވެ.
މީގެ އިތުރުން އިންސްޓަގްރާމް އިންފުލުއެންޒަރުންނަށް އޭނާގެ ދިރިއުޅުމުގައި ހިނގާ ހުރިހާ ކަމެއް އެހާ އަވަހަށް އެނގޭ ކަމާމެދުގައި ހައިރާންވާކަމަށް ކަންގަނާ ވަނީ ބުނެފައެވެ.
