ޓްރާންސްޕޯޓް މިނިސްޓްރީގެ މަސައްކަތްތައް ލަސްކަމަށާއި، ޓްރާންސްޕޯޓް އޮތޯރިޓީ އުވާލައްވަން ނިންމާފައިވާކަމަށް ރައީސުލްޖުމްހޫރިއްޔާ ވިދާޅުވެފައިވާތީ ކުރީގެ ބަންޑާރަ ނާއިބު އަލްއުސްތާޛާ ދިޔާނާ ސަޢީދު ފާޑުވިދާޅުވެއްޖެއެވެ.
ޓްރާންސްޕޯޓު މިނިސްޓްރީގައި މައްސަލަތަކެއް އުޅޭ ކަމަށާއި، މަސައްކަތްތައް ވެސް ލަސްކަމަށް ގަބޫލުކުރައްވާ ކަމަށް ރައީސް ރޭ ވަނީ ވިދާޅުވެފައެވެ. އެކަމަށް ފާޑުވިދާޅުވެ ދިޔާނާ ސަޢީދު ވިދާޅުވީ، އެއީ ސިކުންޑީގެ މައްޗަށް ޖަޒްބާތު އިސްކުރުމުން ވީކަމެއްކަމަށް ދިޔާނާ ވިދާޅުވިއެވެ. އަދި އާއިލާއާއި ތިމާގެ ގާތް މީހުންނަށް ސަރުކާރުގެ މަޤާމުތައް ދިނުމަށް ޖާގަ ދެއްވީ ކޮން ބޭފުލެއްތޯވެސް ދިޔާނާ ސުވާލުކުރެއްވިއެވެެ.
Sikundeege macchah jazubaathu isskureema vaanee thiyahen. Nepotism, Cronyism, Tokenism ge macchah sarukaaru raavan jaaga dhevvee kon beyfulhehtho? pic.twitter.com/n8ENli8qxw
— Dhiyana ??? (@dhiyanasaid) March 8, 2021
ދިޔާނާ މިހެން ވިދާޅުވެފައިވާއިރު، ޓްރާންޕޯޓް މިނިސްޓްރީގައި މިސަރުކާރު ފެށުނީއްސުރެ މައްސަލަތަކެއް އުޅޭކަމުގެ ވާާހަކަތައް ސޯޝަލް މީޑިއާގައި ދައުރުވެއެވެ. ނަމަވެސް އެ މިނިސްޓްރީއަށް އެއްވެސް ފިޔަވަޅެއް އެޅިފައިނުވަނީ ކޯލިޝަންގެ ބައިވެރިއެއްގެ އަނބިކަނބަލުން އެ މިނިސްޓްރީ ހިންގުމާއި ހަވާލުވެ ހުންނެވުމުންކަމަށްވެސް ފާޑުކިޔާ ފަރާތްތަކުން ބުނެފައިވެއެވެ.
ލައިސެންސް ދިނުން މެދުކަނޑާލާފައި އޮންނަތާ ގިނަދުވަސްވުމާއި، އަދިވެސް ޓްރާންސްޕޯޓުގެ އެހެނިގެން މައްސަލަތަކާ މެދު ހިތްހަމަނުޖެހިގެން ޓްރާންޕޯޓް މިނިސްޓްރީގައި އިއްޔެ ބަޔަކު ވަނީ އިހުތިޖާޖުވެސް ކޮށްފައެވެ.
ކޮމެންޓު ފޮނުވާ