އައްޑޫއަށް ގެނައުމަށް ހަމަޖެހިފައިވާ އަސްތައް އެ ސިޓިއަށް ގެންގޮސްފިއެވެ.
އެ އަސްތައް ރާއްޖެ ގެނެސްފައިވަނީ އިންޑިއާއިންނެވެ. އައްޑޫ ސިޓީއަށް އަސްތައ ގެނައީ ޤައުމީ ޝިޕިން ކުންފުނި މޯލްޑިވްސް ސްޓޭޓް ޝިޕިންގެ ބޮންތި 2 ނަމަކަށް ކިޔާ ބޯޓުގައެވެ. އެކުންފުނިން ވަނީ އަސްތައް އައްޑޫއަށް ގެނެވިފައިވާކަމަށް ބުނެ، އެ އަސްތައް ގެނައުމުގައި އެތަކެތި ރަނގަޅަށް ބެލެހެއްޓި ބޮންތި 2 ގެ ފަޅުވެރިންނަށް ޝުކުރު އަދާކޮށްފައެވެ. އެކުންފުނިން ވަނީ އަސްތަކުގެ ވީޑިއޯއެއްވެސް އާންމުކޮށްފައެވެ.
The horses safely arrived Addu, their new home. Thanks Master and crew of MV BONTHI II for taking good care of them during the passage. #MaldivesShipping #MSS pic.twitter.com/gGuZgFuX0E
— Maldives State Shipping (MSS) (@stateshippingmv) March 6, 2021
މިއަސްތައް އައްޑޫއަށް ގެނެސްފައިވަނީ ސަދަން ސްޓޭލިއަން ކިޔާ ކުންފުންޏަކުންނެވެ. އެ ކުންފުނިން ވަނީ ފުރަތަމަ ގެނެސްފައިވަނީ 3 އަހެވެ. އެއީ ހުދާއި ކަޅު ކުލައިގެ އަސްތަކެކެވެ.
އައްޑޫއަށް ގެންނަ އަސްތައް ޤައުމީ ޝިޕިންލައިން ބޯޓަށް އަރުވައިފި
އައްޑޫ ސިޓީއަށް އަސްތަކެއް ގެނެސް އަސް ދުއްވުމުގެ ވިޔަފާރިއެއް ފަށަން އުޅޭކަމުގެ މަޢުލޫމާތު ލިބިފައިވާކަމަށް މީގެކުރިން ރައްޔިތުންގެ މަޖިލީހުގެ ރައީސް މުޙައްމަދު ނަޝީދުވެސް ވަނީ ވިދާޅުވެފައެވެ. އައްޑޫ އަތޮޅަށް ފަސް އަސް ގެނެސްގެން، އަސް ދުއްވުމުގެ ވިޔަފާރިއެއް ފެށުމަށް ޒުވާނަކު މަސައްކަތް ކުރަމުންދާ ކަމަށާއި، މި އަސްތަކާއި ގުޅޭ ސެޓްފިކެޓްތައް މިނިސްޓްރީ އޮފް ފިޝަރީޒް އެންޑް އެގްރިކަލްޗަރ އިން ހަދާ ނިންމާލާފައިވާ ކަމަށް ވެސް ރައީސް ނަޝިދު ވިދާޅުވެފައިވެއެވެ.
ރައީސް ނަޝީދު ވިދާޅުވީ މިއީ ވަރަށް ޝައުގުވެރި ޕްރޮޖެކްޓަކަށް ވާނެ ކަމަށާއި މިއީ އަޖުމަ ބަލާލަން ރަނގަޅު ޚިދުމަތެއް ކަމަށެވެ.
ކޮމެންޓު ފޮނުވާ