ގުރައިދޫ އިން މާލެއަށް ދަތުރުކުރި ފެރީއެއް އިންޖީނު ހުއްޓިގެން އެމްއެންޑީއެފުން އެހީތެރި ވަނީ

ކ. ގުރައިދޫ އިން ފުރައިގެން މާލެއަށް ދަތުރުކުރި ފެރީ ދޯންޏެއްގެ އިންޖީނު ހުއްޓިގެން އެމްއެންޑީއެފްގެ ކޯސްޓްގާޑުން ހަރަކާތްތެރިވާން ފަށައިފި އެވެ.

ހިއްސާ ނަމަކަށްކިޔާ 65 ފޫޓުގެ މި ފެރީ ދޯނި މާލެއަށް ދަތުރުކުރަމުން އައީ 6 މީހުނާއެކު ކަމަށް އެމްއެންޑީއެފުން ބުނެއެވެ. އަދި މި ހާދިސާގެ މައުލޫމާތު އެމްއެންޑީއެފަށް ލިބުނީ 9:45 ހާއިރު ކަމަށް އެފަރާތުން މައުލޫމާތުދެއެވެ.

މި ދޯނީގެ ކައިރީ މިހާރު ކޯސްޓްގާޑުގެ ލޯންޗެއް ހަރަކާތްތެރިވަމުން ގެންދާކަމަށާއި، ފެރީގެ ވެރިފަރާތުން ދޯނި ކަފުޖަހައިގެން ގެންދާނެ އުޅަނދެއް ހޯދުމަށް މިހާރު މަސައްކަތްކުރަމުން ގެންދާކަމަށްވެސް އެމްއެންޑީއެފުން ބުނެއެވެ.