މަސްވެރިއަކު ފިޓު ޖެހިގެން އެމްއެންޑީއެފްއިން އެހީތެރިވަނީ

މަސްވެރިކަމަށް ނިކުމެ އުޅުނު ދޯންޏެއްގައި ހުރި މަސްވެރިއަކު ފިޓު ޖެހިގެން އެމްއެންޑީއެފްއިން އެހީތެރިކަން ފޯރުކޮށްދޭން ފަށައިފިއެވެ.

އެމްއެންޑީއެފްއިން ބުނީ ޅ.އަތޮޅުގައި 14 މީހުންނާއިއެކު މަސްވެރިކަން ކުރަމުންދިޔަ "ޚަޒާނާ" ދޯނީގައި ހުރި ފަޅުވެރިއަކަށް ކުއްލި ޞިއްޙީ މައްސަލައެއް ދިމާވެގެން މީހާއަށް އެހީތެރިކަން ފޯރުކޮށް ދިނުމަށް އެމްއެންޑީއެފް ނޮދާން އޭރިޔާ ކޯސްޓް ގާޑުން ހަރަކާތްތެރިވަމުން ދާކަމަށެވެ. މި ހާދިސާގެ ރިޕޯޓް ލިބިފައިވަނީ މިއަދު ހެނދުނު 9:30 ގައިކަމަށް އެމްއެންޑީއެފް އިން ބުނެފައިވެއެވެ.

އެމްއެންޑިއެފްއިން ބުނީ މަސްވެރިއާ އަށް ފަރުވާދިނުމަށްޓަކައި މިހާރު ނައިފަރަށް ދަތުރު ކުރަމުންދާކަމަށާއި، މިމީހާ އަށް އެހީތެރިކަން ފޯރުކޮށްދެނީ ކުއްލިއަކަށް ފިޓު ޖެހުމުންކަމަށެވެ.

ފިޓު ޖެހިފައިވަނީ އުމުރުން 30 އަހަރުގެ ދިވެހި ފިރިހެނަކަށް ކަމުގައިވެސް އެމްއެންޑީއެފްއިން ބުނެއެވެ.