މެދުރާއްޖޭގެ ބައެއް އަތޮޅުތަކަށް މޫސުން ގޯސްވުމާއެކު، ކ.އަތޮޅުން ފެށިގެން މ.އަތޮޅާ ހަމައަށް މޫސުމާ ބެހޭ ޤައުމީ އިދާރާ (މެޓް) އިން ރީނދޫ ސަމާލު ނެރެފިއެވެ.
މެޓުން ބުނީ، މި ސަމާލު ދެމިއޮންނާނީ މިއަދު ހަވީރު 17:45 އިން ފެށިގެން މިރޭ 21:30 އާ ހަމައަށް ކަމަށެވެ. މި ވަގުތުތަކުގައި އެ ސަރަޙައްދުތަކަށް ގުގުރުމާއެކު ބޯކޮށް ވާރޭވެހި، ވިލާގަނޑުގައި ގަޑިއަކު 45 މޭލާ ހަމައަށް ވައިގަދަވެދާނެ ކަމަށް މެޓުން ލަފާކޮށްފައިވެއެވެ. ވައިގަދަވުމުގެ ސަބަބުން ކަނޑުތައްވެސް ގަދަވެދާނެއެވެ.
ރާއްޖޭގެ ތަފާތު ސަރަޙައްދުތަކަށް މިހާރު މޫސުން ގޯސްވެފައިވާތީ، ޚާއްޞަކޮށް ކަނޑުދަތުރުކުރާ ފަރާތްތަކުން ސަމާލުކަން ދިނުމަށް ކަމާބެހޭ އިދާރާތަކުން އެދިފައިވެއެވެ.
ކޮމެންޓު ފޮނުވާ