ބޮލީވުޑްގެ ނަންބޮޑު ތަރިން ކަމަށްވާ ދީޕިކާ ޕަދުކޯން އާއި ރަންވީރު ސިންގް، އެ ދެމަފިރިންގެ ދެވަނަ ދަރިފުޅަށް ކިޔައިފައިވާ ނަން ރަސްމީކޮށް ހާމަކޮށްފިއެވެ.
މިދިޔަ މަހުގެ 8 ވަނަ ދުވަހު އުފަންވި އަންހެން ދަރިފުޅަށް ކިޔާފައިވަނީ "ދެވީ ޕަދުކޯން ސިންގް" އެވެ. މި ނަން ހާމަކުރީ ދެމަފިރިން އިންސްޓަގްރާމްގައި ހިއްސާކުރި ފޮޓޯއަކުންނެވެ. އެ ފޮޓޯގައި ދެމަފިރިންނާއެކު ބޮޑު ދަރިފުޅު ދުއާ ވެސް ފެނެއެވެ.
ދީވާލީއާ ދިމާކޮށް ހާމަކުރި މި ޚަބަރާ ގުޅިގެން، ބޮލީވުޑްގެ ގިނަ ފަންނާނުންނާއި ފޭނުން އަންނަނީ މި އާއިލާއަށް ތަހުނިޔާ ފޮނުވަމުންނެވެ.
ހަ އަހަރު ދުވަހު ލޯބީގެ ގުޅުމެއްގައި އުޅުމަށްފަހު 2018 ވަނަ އަހަރު ކައިވެނިކުރި ދީޕިކާއާއި ރަންވީރަކީ ބޮލީވުޑްގެ އެންމެ މަގުބޫލު ޖޯޑުތަކުގެ ތެރެއިން އެއް ޖޯޑެވެ. އެ ދެމަފިރިންގެ ފުރަތަމަ ދަރިފުޅު ދުއާ ލިބުނީ 2024 ވަނަ އަހަރުގެ ސެޕްޓެންބަރުމަހުއެވެ.
ދަރިފުޅު އުފަންވުމާ ގުޅިގެން ދީޕިކާ މިހާރު ހުރީ ފިލްމީ މަސައްކަތްތަކުން ވަގުތީ ހުސްތަނެއް ނަގައިގެންނެވެ.
ކޮމެންޓު ފޮނުވާ