ވެލާނާ އިންޓަނޭޝަނަލް އެއާޕޯޓުގައި ހުންނަ ދިރާގު ފިހާރައަށް ވަދެ ބޮން ގޮއްވާލާނެ ކަމުގެ އިންޒާރު ދިން ނަދީފް މުޙައްމަދު ޖަލަށްލާން ކްރިމިނަލް ކޯޓުން ހުކުމްކޮށްފިއެވެ.
ގއ. ގެމަނަފުށި/ ރަންކޮކާގޭ ނަދީފް މުޙައްމަދު، 2022 ވަނަ އަހަރުގެ ޖުލައި މަހު ދިރާގު ފިހާރައަށް ވަދެ، އޭނާއަކީ އައިސިސްއާ ގުޅިފައިވާ މީހެއް ކަމަށް ބުނެ، ބޮން ގޮއްވާލާނެ ކަމުގެ އިންޒާރު ދިނެވެ. ދެ އަހަރަށް ވުރެ ގިނަ ދުވަސް ފަހުން، މިދިޔަ ހަފްތާ ކްރިމިނަލް ކޯޓުން ވަނީ ހުކުމް އިއްވާފައެވެ.
ދައުލަތުން ނަދީފުގެ މައްޗަށް ދައުވާ ކުރީ، ޖާއިޒު މަގްސަދެއް ނެތި، ތަނުގައި ތިބި ބަޔަކަށް ބިރާއި ގޯނާ ލިބޭ ފަދަ ހާލަތެއް ގਜ਼ਬੁދ ގެ ކުށުގެ ދައުވާ ކަމަށްވާ "އާންމު ތަނެއްގައި ބިރުގަންނަ ހާލަތެއް އުފެއްދުމުގެ ކުށ"ގެ ދަށުންނެވެ. ކޯޓުުން ވަނީ ކުށް ސާބިތުވާ ކަމަށް ކަނޑައަޅައި، އެއް މަހާއި 24 ދުވަހުގެ ޖަލު ހުކުމެއް ނަދީފުގެ މައްޗަށް އިއްވާފައެވެ.
ފާހަގަކޮށްލަން ޖެހޭ ކަމަކީ، ނަދީފަކީ ހަމައެކަނި މި ކުށާ ގުޅިފައިވާ ފަރާތެއް ނޫން ކަމެވެ. ފޭސްބުކް މާކެޓްޕްލޭސް މެދުވެރިކޮށް ހިންގި ސްކޭމްތަކުގައި ބައިވެރިވި ކަމުގެ ތުހުމަތުގައި ވެސް ފަހުން އޭނާ ހައްޔަރު ކޮށްފައިވެއެވެ. ހައްޔަރުކުުރި ވަގުުތު، ކޭޝް ކާޑުތަކާއި ސިމް ކާޑުތަކާއި މޯބައިލް ފޯނުތަކާއި ދިވެހި ރުފިޔާ އަދި ޑޮލަރު ވެސް ފުުލުުހުުންނަށް ފެނިފައިވެއެވެ. އޭގެ އިތުުރުުން، ތުުހުުމަތުުތަކުން ދައްކަނީ، ބޭންކް އެކައުުންޓެއް ހެކްކޮށް ގިނަ ފައިސާ ނަގި ކަމަށެވެ.
ކޮމެންޓު ފޮނުވާ