ރާއްޖޭގައި މަސައްކަތްކުރާ ބިދޭސީން ގައުމުން ބޭރަށް ފޮނުވާ ފައިސާއާ ގުޅޭ ހާއްސަ ސާވޭއެއް ކުރުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ތައްޔާރުވެއްޖެއެވެ.
ގްރޭޓާ މާލެ ސަރަހައްދުގައި ދިރިއުޅޭ ބިދޭސީ މަސައްކަތްތެރިންނަށް އަމާޒުކޮށްގެން ކުރިއަށްގެންދާ މި ސާވޭގެ މައިގަނޑު ބޭނުމަކީ ބެލެންސް އޮފް ޕޭމަންޓްސް ތަފާސްހިސާބުތައް އެކުލަވާލުމަށް ބޭނުންވާ މައުލޫމާތު އެއްކުރުމެވެ. މިގޮތުން، ބިދޭސީން ފައިސާ ފޮނުވުމަށް އާންމުކޮށް ބޭނުންކުރާ ވަސީލަތްތަކާއި، ފައިސާ ފޮނުވާ ގިނަމަދުމިނުގެ އިތުރުން ފޮނުވާ ފައިސާގެ އަދަދުތައް މި ސާވޭގެ ތެރެއިން އޮޅުންފިލުވާނެކަމަށް މަރުކަޒީ ބޭންކުން މައުލޫމާތުދެއެވެ.
މި ސާވޭގައި ވީހާވެސް ގިނަ ބިދޭސީން ބައިވެރިވުމަށް އެމްއެމްއޭއިން ވަނީ ބާރުއަޅާފައެވެ. އަދި ސާވޭގައި ބައިވެރިވާ މީހުންގެ ނަމާއި، ޕާސްޕޯޓް ނަންބަރު ނުވަތަ ވޯކް ޕާމިޓްގެ ތަފްސީލު ފަދަ އެއްވެސް ޒާތީ މައުލޫމާތެއް ނުހޯދާނެކަމުގެ ޔަގީންކަން އެ އިދާރާއިން ވަނީ ދީފައެވެ. އޭގެ އިތުރުން، ސާވޭ މެދުވެރިކޮށް އެއްކުރެވޭ ހުރިހާ މައުލޫމާތެއްގެ ސިއްރުކަން ފުރިހަމައަށް ހިފަހައްޓާނެކަމަށްވެސް އެމްއެމްއޭއިން ވަނީ ބުނެފައެވެ.
ކޮމެންޓު ފޮނުވާ