އިރާގުގެ އިސް އަސްކަރީ ކޮމާންޑަރެއްކަމުގައިވާ، އަބޫ މަހުދީ އަލް-މޮހާންދްސް އަވަހާކޮށްލި މައްސަލާގެ ތަހުގީގަށް އެމެރިކާގެ ރައީސް ޑޮނަލްޑް ޓްރަމްޕް ހައްޔަރުކުރުމުގެ އެމުރެއް އިގާގުގެ ކޯޓަކުންވެސް ނެރެފިއެވެ.
އީރާނަށް ތާއީދުކުރާ، ހަޝިދު އަލް-ޝާބީ ސިޔާސީ އަދި އަސްކަރީ ނެޓްވާކުގެ ޑެޕިއުޓީ ހެޑް އަވަހާރަ ކޮށްލާފައިވަނީ، ފާއިތުވެދިޔަ އަހަރުގެ ޖެނުއަރީމަހުގެ 3 ވަނަ ދުވަހު، ބަޢުދާދު އިންޓަރނޭޝަނަލް އެއަރޕޯޓު ކައިރިން، އިރާނުގެ އިސް މިލިޓަރީ ކޮމާންޑަރު، ގައްސާމް ސުލައިމާނީ އަވަހާރަކޮށްލަން ދިން ހަމަލާގައެވެ.
މިހަމަލާގައި މަހުދީ އަވަހާރަވެފައިވަނީ، ސުލައިމާނީގެ މޮޓޯކޭޑުގައި އޭނާއާއެކީ ދުއްވާފައި ދަނިކޮށެވެ.
މިހަމަލާއަކީ ޓްރަމްޕްގެ އޯޑަރަށް ދީފައިވާ ހަމަލާއެކެވެ. އަދި ފަހުން ޓްރަމްޕް އެއްބަސްވެފައިވާ ގޮތުގައި، ދެމީހެއްގެ ފުރާނަ މިހަމަލާގައި ދުއްވާލަންޖެހުނީ އެކަކު ނެތިކޮށްލުމުގެ އަގެއްގެ ގޮތުގައެވެ.
ޔޫއެންގެ އިންސާނީ ހައްގުތަކާއި، އަދި އިންސާނިއްޔަތާ ޚިލާފް އަމަލްތަކާބެހޭ ޚާއްސަ މަންދޫބު، އޭންސް ކަލަމާޑް ވިދާޅުވެފައިވަނީ، މި ޖަރީމާއަކީ ބައިނަލްއަގުވާމީ ހުރިހާ ގާނޫނަކާވެސް ޚިލާފަށް އެމެރިކާއިން ހިންގާފައިވާ ޖަރީމާއެއް ކަމުގައެވެ.
ސަލާމާނީ އަވަހާރަވެދިޔަ ހާދިސާގައި އަވަހާރަވެފައިވާ މަހުދީގެ މަހުރެ ތަހުގީގަށް އިރާގުގެ ކޯޓަކުން އެމެރިކާގެ ރައީސް ޓަރަމްޕް ހައްޔަރުކުރުމުގެ އަމުރެއް ނެރެފައި ވާއިރު، އެމެރިކާގެ ރައީސް ޑޮނަލްޑް ޓްރަމްޕް ހައްރުކުރުމުގެ ރެޑް ނޯޓިސް އަމުރު، އިރާންގެ އެދުމުގެ މަތިން، އިންޓަޕޯލްއިންވެސް ވަނީ މީގެ އެއް ހަފްތާކުރިން ނެރެފައެވެ.
ބަޢުދާދުގެ ކޯޓަކުން ޓްރަމްޕަ ހައްޔަރު ކުރުމުގެ އަމުރެއް ނެރެފައިވަނީ، އެގައުމުގެ ގާނޫނުލް އުގޫބާތުގެ406 ވަނަ މާއްދާގެ ދަށުންނެވެ. މިމާއްދާގައިވާ ގޮތުން، ޝަރީއަތުން ބޭރުން ގަސްތުގައި މީހަކު މަރާލައިނަމަ އަދަބެއްގެ ގޮތުގައި އޮންނަނީ މެރުމެވެ.
ކޯޓުން ބުނެފައިވާ ގޮތުގައި، މިމައްސަލާގައި ހޯދަންޖެހޭ ހުރިހާ ކަމެއް މިހާރު ހޯދިފައިވާ ކަމަށާއި އެހެންނަމަވެސް، އަދިވެސް ތަހުގީގު ކުރިޔަށް ދަނީ "މި ޖަރީމާގެ ފަހަތުގައި ތިބި އިތުރު ގާތިލުން، އެއީ އިރާގުގެ ބަޔަކު ކަމުގައި ވިޔަސް، އަދި ބޭރު ގައުމަކަށް ނިސްބަތްވާ ބަޔަކު ކަމުގައި ވިޔަސް އެވަޔަކު ހޯދުމަށް" ކަމުގައެވެ.
އިރާނުގެ އިސް ކޮމާންޑަރު ގައްސާމަ ސުލައިމާނީ އާއި އަދި މަހުދީ އަލް-މޮހާންދްސް އެމެރިކާއިން އަވަހާރަ ކޮށްލިތާ1 އަހަރު ފުރުމުގެ މުނާސަބަތުގައި، އިރާގުގައި ތުބު އިރާނަށް ތާއީދުކުރާ ފެކްޝަންތަކުން ވަނީ، އެމެރިކާއާ ދެކޮޅަށް އެއްވުނަތައް އިރާގުގައި ބާއްވާފައެވެ.
އެމެރިކާގެ ރައީސްއާއި އަދި އެގައުމުގެ އިސް އޮފިޝަލުންގެ މައްޗަށް ދައުވާ ކުރުމުގެ ވާހަކަށް އަލުން ފެށިފައިވަނީ، ގައްސާމް ސުލައިމާނީ އަވަހާރަ ކޮށްލިތާ އެއްހަރު ވެގެންދާއިރު، މި ހަމަލާގެ ބަދަލު ހިފާނެކަމުގެ ވައުދު އިރާނުން އާކުރަމުންދާ ދަޑިވަޅެއްގައެވެ.
އަދި މިވާހަކަތައް ދެކެވެން ފަށާފައި މިވަނީ، އެމެރިކާގެ ރައީސް ޑޮނަލްޑް ޓްރަމްޕް ވެރިކަމުގެ ދައުރު ފުރިހަމަ ކުރައްވާ ވަޑައިގަންނަވަން މަދު ދުވަސްކޮޅަކަށް ވެފައި ވަނިކޮށެވެ. އިރާނުން ގަބޫލު ކުރާގޮތުގައި، އެމެރިކާގެ ރައީސް ވެރިކަމުން ދުރަށް ވަޑައިގެންނެވުމުން، އިންސާފު ގާއިމްކުރުމުގައި އިތުރު ފަސޭހަތަކެއް ލިބިގެން ދާނެއެވެ.
ސުލައިމާނީގެ މަރަށް 1 އަހަރުފުރުން ފާހަގަ ކުރުމަށް ބޭއްވުނު ރަސްމިއްޔާތުގައި އިރާނުގެ ޖުޑިޝިއަރީގެ އެންމެ އިސްފަރާތްކަމުގައިވާ، އިބްރާހިމް ރައިސީ ވިދާޅުވީ ސުލައިމާނީގެ މަރުގެ މައްސަލާގައި އެގައުމުން ދައުވާކުރުމަށް ބޭނުންވާ އެންމެ މުހިންމު ފަރާތަކީ ޓްރަމްޕް ކަމުގައެވެ. އަދި ޓްރަޕްގެ ސިޔާސީ ހައިސިއްޔަތުގެ ސަބަބުން، މިދައުވާއަށް އެއްވެސް ހުރަހެއް އެޅިގެން ނުވާނެ ކަމަށްވެސް އޭނާ ވިދާޅުވިއެވެ.
