މަސްތުވާތަކެތީގެ ގާނޫނަށް އަލަށް ގެނައި އިސްލާހުގައި، ރާއްޖެއަށް ޑްރަގު އެތެރެކުރާ މީހުންނަށް މަރުގެ އަދަބު ދިނުމަށް ހިމަނާފައިވީ ނަމަވެސް، އެއީ ސަރުކާރުން ކުރަން ބޭނުންވާ ކަމެއް ނޫން ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. ޕީއެންސީގެ އޮފީސް ހުޅުވުމަށް ބޭއްވި ޖަލްސާގައި ވާހަކަފުޅުދައްކަވަމުން ރައީސް ފާހަގަކުރެއްވި ގޮތުގައި، ގާނޫނުގައި މި އަދަބު ހިމަނާފައިވަނީ މުޖުތަމައުގައި ފެތުރިފައިވާ މަސްތުވާތަކެތީގެ ވަބާ ހައްލުކުރުމަށްޓަކައި، ހަމައެކަނި އިސްތިސްނާ ހާލަތެއްގައި އެކަން ތަންފީޒުކުރަން ޖެހިއްޖެނަމަ ކުރުމަށެވެ.
ރައީސް އިތުރަށް ވިދާޅުވީ، އެމަނިކުފާނުގެ އުންމީދަކީ އެފަދަ ހަރުކަށި އަދަބެއް ދޭންޖެހޭ ހިސާބަށް އެއްވެސް މީހަކު ކުށް ނުކުރުން ކަމަށާއި، ރާއްޖޭގައި ޑްރަގް ޓްރެފިކިންގެ އަމަލުތައް ހިންގަން އެއްވެސް ރައްޔިތަކު ނޭދޭނެ ކަމަށެވެ. އަދި ސަރުކާރުން މަސައްކަތްކުރަމުން ދަނީ ރައްޔިތުންގެ އެއްބާރުލުމާއެކު، ގައުމަށް ދިމާވެފައިވާ ބޮޑެތި މައްސަލަތައް އިޚްލާސްތެރިކަމާއެކު ހައްލުކުރުމަށް ކަމަށްވެސް އެމަނިކުފާނު ވިދާޅުވިއެވެ.
ކޮމެންޓު ފޮނުވާ