ދޫދިނުމުގެ ވިސްނުމެއް ނެތް ކަމަށާއި، ދުޝަމަނުންނާއި މަޝްވަރާގެ މޭޒަށްވެސް ނުދާނެކަމަށް ވެނެޒުއާލޭ ޑިފެންސް މިނިސްޓަރ ވިދާޅުވެއްޖެއެވެ. އެމެރިކާއިން ވެނެޒުއޭލާއަށް ހަމަލާތަކެއް ދީ، އެ ގައުމުގެ ރައީސް ނިކޮލަސް މަދޫރޯއާއި އަނބިކަނބަލުން ސިލިއާ ފްލޮރެސް ހައްޔަރުކޮށް ގައުމުން ބޭރަށް ގެންގޮސްފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވަނީ ވިދާޅުވެފައެވެ.
މި ހަމަލާތަކާ ގުޅިގެން ވެނެޒުއެލާގެ ނައިބު ރައީސް ޑެލްސީ ރޮޑްރިގޭޒް ވިދާޅުވީ މަދޫރޯ ދެމަފިރިން ތިއްބެވި ތަނެއް ސަރުކާރަށް ނޭނގޭ ކަމަށާއި، އެ ދެ ބޭފުޅުން ދިރިތިބިކަމުގެ ހެކި ދެއްކުމަށް ޑިމާންޑް ކުރައްވާ ކަމަށެވެ. ވެނެޒުއެލާ ސަރުކާރުން ވަނީ މި ހާދިސާއާ ގުޅިގެން ގައުމީ ކުއްލި ނުރައްކަލުގެ ހާލަތު އިއުލާންކޮށްފައެވެ. އެގައުމުގެ އިންޓީރިއަރ މިނިސްޓަރވަނީ ސަރުކާރަށް އިތުބާރުކޮށް، ރައްޔިތުން ހަމަޖެހިގެން ތިބުމަށް އިލްތިމާސް ކޮށްފައެވެ.
މަދޫރޯއަކީ ދުނިޔޭގެ އެންމެ ބޮޑެތި މަސްތުވާތަކެތީގެ ވިޔަފާރިވެރިންގެ ތެރެއިން އެކެއް ކަމަށް ތުހުމަތުކޮށް، އެމެރިކާއިން ވަނީ އޭނާ ހައްޔަރުކުރުމަށް މަގުފަހިވާ މައުލޫމާތު ދޭ ފަރާތަކަށް 50 މިލިއަން ޑޮލަރުގެ އިނާމެއް ކަނޑައަޅާފައެވެ. އެމެރިކާގެ އެޓާނީ ޖެނެރަލް ޕޭމް ބޮންޑީ ވިދާޅުވި ގޮތުގައި މަދޫރޯ ދެމަފިރިންގެ މައްޗަށް ޓެރަރިޒަމާއި މަސްތުވާތަކެތި އެތެރެކުރުން ފަދަ ބޮޑެތި ދައުވާތައް އުފުލުމަށް ވަނީ ނިންމާފައެވެ.
މީގެކުރިން ޓްރަމްޕް ވަނީ ވެނެޒުއާލާއިން ހިންގަމުންދާ ޑްރަގް ޓްރެފިކިންގެ ނެޓްވާކްތަކާއި ދެކޮޅަށް ހަރުކަށި ފިޔަވަޅުތައް އެޅުމަށް އެގައުމުން ދަނީ ތައްޔާރު ވަމުންނެވެ. އަދި އެމެރިކާގެ އަސްކަރިއްޔާއިން ވަނީ ކަނޑުމަގުން އެމެރިކާއަށް މަސްތުވާތަކެތި އުފުލަމުން ދިޔަ އެތައް އުޅަނދަކަށް ބުނެ ވައިގެ ހަމަލާތަކެއް ދީފައެވެ.
އެމެރިކާއިން ފާއިތުވެދިޔަ ތަނުގައި ވަނީ މަޑޫރީ ހައްޔަރު ކުރެވޭނެފަދަ މައުލޫމާތު ފޯރުކޮށްދިން ފަރާތަކަށް 50 މިލިއަން ޑޮލަރުގެ ފައިސާގެ އިނާމުވެސް ހުށަހަޅާފައެވެ.
ފާއިތުވި ހަފްތާގައި ދިން އިންޓަވިއުއެއްގައި މަޑުރޯވަނީ ޑްރަގް ޓްރެފިކިންގެ މައްސަލާގައި އެމެރިކާއާއި ވާހަކަދައްކަވަން ތައްޔާރަށް ހުނެވިކަމަށް ވިދާޅުވެފައެވެ. އޭނާ ވިދާޅުވެފައިވަމީ އެމެރިކާއިން ބޭނުން ތަނެއްގައި، ބޭނުން ވަގުތެއްގައި މަޝްވަރާތައް ކުރިޔަށް ގެންދަވަން ތައްޔާރަށް ހުންނެވި ކަމަށެވެ.
ކޮމެންޓު ފޮނުވާ