ފުވައްމުލައް ސިޓީގައި މޫދަށް އެރި އުޅެނިކޮށް ގެއްލުނު ކުއްޖާ މޫދު އަޑީގައި އޮއްވާ ފެނިއްޖެ

ފުވައްމުލައް ސިޓީގައި މޫދަށް އެރި އުޅެނިކޮށް ގެއްލުނު 17 އަހަރުގެ ފިރިހެން ކުއްޖެާ ފެނިއްޖެ އެވެ.

އެކުއްޖާ ފެނިފައި ވަނީ ގެއްލިގެން ހޯދަމުން ދަނިކޮށް މޫދު އަޑިން ނެވެ. އެ ކުއްޖާ ފެނިފައި ވަނީ މިއަދު 17:50 ހާއިރު ކަމަށް ފުލުހުން ބުނެއެވެ. އެ ކުއްޖާއަށް މިހާރު ފުވައްމުލަކު ސިޓީ ހޮސްޕިޓަލުގައި އަވަސް ފަރުވާދެމުންދާކަމަށް މަޢުލޫމާތު ލިބެއެވެ.

މި ކުއްޖާ ގެއްލިގެން ރިޕޯޓްކޮށްފައި ވަނީ 16:47 ހާއިރު އެވެ. އިތުރު ކުދިންތަކަކާއެކު މޫދަށް އެރި އުޅެނިކޮށް މި ކުއްޖާ ގެއްލުނީ "މާނޭރާ" ސަރަހައްދަށެވެ.