ސްޕެޝަލް އިކޮނޮމިކް ޒޯން ޤާނޫނުގެ ދަށުން ރާއްޖޭގައި ފުރަތަމަ ފަހަރަށް ސަސްޓެއިނަބަލް ޓައުންޝިޕް ޕްރޮޖެކްޓެއް ހިންގުމުގެ ހުއްދަ އިކޮނޮމިކް މިނިސްޓްރީން މިއަދު ދީފިއެވެ. "ޕްރޮޖެކްޓް އައިލާ"ގެ ނަމުގައި ކުރިޔަށްގެންދާ މި މަޝްރޫޢު ޙަވާލުކޮށްފައިވަނީ ނ. އަތޮޅުގައި ހިންގުމަށް ކްރިސްޓަލް ހޯލްޑިންގްސް ޕްރައިވެޓް ލިމިޓެޑާއެވެ.
މި މަޝްރޫޢުގެ ދަށުން މަތީ ފެންވަރުގެ ގެދޮރުވެރިކަމާއި ދުނިޔޭގެ ފެންވަރުގެ ސިއްޙީ ޚިދުމަތްދޭ ތަންތަން ތަރައްޤީ ކުރެވޭނެއެވެ. އިޤްތިޞާދީ ވުޒާރާއިން ހާމަކުރި ގޮތުގައި މި ޕްރޮޖެކްޓުގައި މަދުވެގެން 60 އިންސައްތަ އިޢާދަކުރަނިވި ހަކަތަ ބޭނުންކުރާނެއެވެ. އަދި ޒަމާނީ ދަނޑުވެރިކަމާއި އެކުއަކަލްޗަރ މެދުވެރިކޮށް ކާބޯތަކެތީގެ ޔަޤީންކަން ކަށަވަރުކުރެވޭނެއެވެ.
790 މިލިޔަން ޑޮލަރުގެ މި އިންވެސްޓްމެންޓް 2028ގެ ކުރިން އޮޕަރޭޝަނަށް ގެންނަންޖެހެއެވެ. ބިން ހިއްކުމުގެ މަސައްކަތް މިހާރު ވަނީ ފެށިފައެވެ.
ކޮމެންޓު ފޮނުވާ