ދިވެހި ރާއްޖޭގެ ޗީފް އޮފް ޑިފެންސް ފޯސް މޭޖާ ޖެނެރަލް އިބްރާހިމް ހިލްމީ ސްރީ ލަންކާއަށް ރަސްމީ ދަތުރުފުޅެއް ކުރައްވައި، އެ ގައުމުގެ ނޭވީގެ ވެރިޔާ ރިއާ އެޑްމިރަލް ޑޭމިއަން ފަނާންޑޯ އާއި އިއްޔެ ބައްދަލުކުރައްވައިފި އެވެ. މި ބައްދަލުވުން ބާއްވާފައިވަނީ ލަންކާ ނޭވީގެ މައި އިދާރާގައެވެ.
ހިލްމީގެ މި ދަތުރުފުޅު ކުރެއްވީ ލަންކާ ނޭވީއަށް 75 އަހަރު ފުރުން ފާހަގަކުރުމަށް ކޮލޮމްބޯގައި ނޮވެމްބަރު 30 ގައި ބޭއްވި ފްލީޓް ރިވިއުގެ ހަރަކާތްތަކުގައި ބައިވެރިވެވަޑައިގަތުމަށެވެ. މި ހާއްސަ ހަރަކާތުގައި އިންޑިއާ، ޕާކިސްތާން، ރަޝިއާ އަދި އީރާން ހިމެނޭ ގޮތުން 20 ގައުމެއްގެ ވަފުދުތައް ބައިވެރިވި އެވެ.
މި ދަތުރުގައި ދިވެހި ކޯސްޓުގާޑުގެ އުޅަނދު ހުރަވީ ވެސް ލަންކާއަށް ދިޔައިރު، މިއީ އެ އުޅަނދު ބޭރު ގައުމަކަށް ކުރި ފުރަތަމަ ދަތުރެވެ. އެމްއެންޑީއެފް އިން ބުނާ ގޮތުގައި މިއީ ދިވެހި ސިފައިންގެ ތާރީހުގައި ވެސް މިފަދަ ފުރަތަމަ ދަތުރެވެ.
ކޮމެންޓު ފޮނުވާ