ފެނަކަ ކޯޕަރޭޝަނުގެ ބްރާންޗުތަކުގައި ސެކިޔުރިޓީ ކެމެރާ ހަރުކުރުމުގެ މަޝްރޫއުގައި ކޮރަޕްޝަން ހިންގި ކަމުގެ ތުހުމަތުގައި އެ ކުންފުނީގެ ކުރީގެ ދެ ވެރިއެއްގެ މައްޗަށް ދައުވާ ކުރުމަށް ކްރިމިނަލް ކޯޓަށް ހުށަހަޅައިފި އެވެ.
ޕީޖީ އޮފީހުން މިއަދު ބުނީ ރަސްމީ ހައިސިއްޔަތު ނަހަމަ ގޮތުގައި ބޭނުންކުރި ކަމުގެ ދައުވާ އުފުލީ ފެނަކައިގެ ކުރީގެ ޕްރޮކިޔުމެންޓު ހެޑް މަރިޔަމް ދީނާ ސޯލިހާއި އައިޓީ ހެޑް އިސްމާއިލް ޝަމްއޫނުގެ މައްޗަށް ކަމަށެވެ. މި ދެ މީހުން 25 ޖޫން 2018ގައި ފެނަކައިގެ ހުރިހާ ބްރާންޗެއްގައި ކެމެރާ ސިސްޓަމާއި ހެޑް އޮފީހުގައި ކޮމާންޑް ސެންޓަރެއް ގާއިމުކުރުމުގެ މަސައްކަތް ކެއިރެޓްސޫ ޕްރައިވެޓް ލިމިޓެޑާ ހަވާލުކުރުމުގައި މަގާމުގެ ނުފޫޒު ނަހަމަ ގޮތުގައި ބޭނުންކޮށް، މުދާ ހަމައަށް ނުލިބެނީސް އެ ކުންފުންޏަށް ފައިސާ ދީފައިވާ ކަމަށް ޕީޖީން ތުހުމަތު ކުރެ އެވެ.
މި ކުށް ސާބިތުވެއްޖެ ނަމަ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް އައުން އެކަށީގެންވެ އެވެ.
ކޮމެންޓު ފޮނުވާ