ލ. ކައްދޫ އެއާޕޯޓު ބައިނަލްއަގްވާމީ ފެންވަރަށް ތަރައްގީކޮށް އޮޕަރޭޓް ކުރުމުގެ މަސައްކަތް އެމްއޭސީއެލްއަށް ހަވާލުކޮށްފި އެވެ. ރައީސް ޑރ. މުހައްމަދު މުއިއްޒު ލ. އަތޮޅަށް ކުރައްވަމުން ގެންދަވާ ދަތުރުފުޅުގައި ފޮނަދޫގައި ރޭ ބޭއްވި ރަސްމިއްޔާތުގައި ވަނީ މި މަޝްރޫއު ހިމެނޭހެން ތަރައްގީގެ ގިނަ މަޝްރޫއުތަކެއްގައި ސޮއިކުރައްވައިފަ އެވެ.
މި އެއްބަސްވުމުގައި ފިނޭންސް މިނިސްޓަރު މޫސާ ޒަމީރާއި އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދު ސޮއިކުރެއްވި އެވެ. އެއާޕޯޓު ތަރައްގީކުރާއިރު 2،800 މީޓަރުގެ ދިގު ރަންވޭއެއް ހަދާނެ ކަމަށާއި، އެ މަސައްކަތްތައް ކުރިއަށް ދާނީ ކައްދޫ ސިފައިންގެ މަރުކަޒު އެހެން ތަނަކަށް ބަދަލު ނުކޮށް ކަމަށް ރައީސް ވިދާޅުވި އެވެ.
ރައީސް ފާހަގަކުރެއްވި ގޮތުގައި އެއާޕޯޓު މަޝްރޫއުއަށް 114 ހެކްޓަރުގެ ބިން ހިއްކާއިރު، ފޮނަދޫގެ ބޭނުމަށް 30 ހެކްޓަރުގެ ބިން ހިއްކާނެ އެވެ. ބިން ހިއްކުމުގެ މަސައްކަތް މިއަދު ހެނދުނު ފަށާނެ ކަމަށް ވެސް ރައީސް ވިދާޅުވި އެވެ. މި މަޝްރޫއުތަކުގެ ތެރޭގައި ފޮނަދޫ ގޮނޑުދޮށް ހިމާޔަތްކުރުމުގެ މަސައްކަތް ވެސް ހިމެނެ އެވެ.
ކޮމެންޓު ފޮނުވާ