ހުޅުމާލޭގައި ހުންނަ ޣާޒީ ސްކޫލުގެ ދަރިވަރުން ތަޢުލީމީ ދަތުރެއްގެ ގޮތުގައި ހުޅުމާލޭ އިންޖީނުގެއަށް ޒިޔާރަތް ކޮށްފި އެވެ. މި ޚާއްޞަ ޒިޔާރަތުގައި ދަރިވަރުންނަށް ސްޓެލްކޯ ކުންފުނީގެ ޚިދުމަތްތަކާއި ޓެކްނޮލޮޖީއާ ބެހޭ ގޮތުން ތަފްޞީލީ މަޢުލޫމާތު ލިބުނެވެ.
އިންޖީނުގޭގެ މުވައްޒަފުން ދަރިވަރުންނަށް އެ ތަނުގެ ވަސީލަތްތައް ދައްކައިދިނުމުގެ އިތުރުން، އިންޖީނުގޭގައި ކުރިއަށް ގެންދާ ވަރަށް ގިނަ ޓެކްނިކަލް މަސައްކަތްތަކުގެ ތަފްޞީލު ހިއްސާކުރި އެވެ. ޚާއްޞަ ގޮތެއްގައި ސްޓެލްކޯގެ ޚިދުމަތްތައް ރާއްޖޭގެ އެކި ކަންކޮޅުތަކަށް ފޯރުކޮށްދިނުމުގައި އިންޖީނުގޭގެ މުހިންމު ދައުރާ ބެހޭ ގޮތުން ދަރިވަރުންނަށް އިތުރު މަޢުލޫމާތު ދެވުނެވެ.
މި ފަދަ ތަޢުލީމީ ދަތުރުތަކަކީ ދަރިވަރުންނަށް ކިޔަވައިދޭ މާއްދާތަކުގެ ޢަމަލީ ގޮތްތައް ދަސްކޮށްދިނުމާއެކު، މުސްތަޤުބަލުގައި ޓެކްނޮލޮޖީގެ ދާއިރާއިން ކެރިއަރ ހެދުމަށް ޝައުޤުވެރިކަން އުފެއްދުމަށް ވަރަށް މުހިންމު ފުރުޞަތެކެވެ. ޣާޒީ ސްކޫލުގެ ދަރިވަރުން މި ޒިޔާރަތުގައި ލިބުނު މަޢުލޫމާތާއި ތަޖުރިބާއިން ވަރަށް ބޮޑަށް ފައިދާ ކުރި ކަމަށް ސްކޫލުން ބުނެ އެވެ.
ކޮމެންޓު ފޮނުވާ