އިސްރާއީލާއި އީރާނާ ދެމެދު ހަނގުރާމަ ހުއްޓާލުމުގެ އެންމެ ފަހު ވަގުތާއި ހަމަޔަށްވެސް އީރާނުން އިސްރާއީލަށް ރައްދު ހަމަލާ ދީފައިވާކަމަށް އިރާނުގެ ޚާރިޖީ ވަޒީރު އައްބާސް އަރާޤްޗީ ވިދާޅުވެއްޖެއެވެ.
"އިސްރާއީލުގެ ހަމަލާތަކަށް ރައްދު ދިނުމަށް އަހަރެމެންގެ ބާރުގަދަ ސިފައިންގެ އަސްކަރީ އޮޕަރޭޝަންތައް އެންމެ ފަހު މިނިޓާ ހަމައަށް، ހެނދުނު 4 ޖަހާ ހަމައަށް ކުރިއަށް ގެންދެވުނެވެ،" ސައްޔިދު އައްބާސް އަރާޤްޗީ މިދާދި އެކްސް (X) ގައި ކުރެއްވި ޕޯސްޓެއްގައި ވިދާޅުވިއެވެ.
"އީރާނުގެ ހުރިހާ ރައްޔިތުންގެ ފަރާތުން، އަހަރެން ޝުކުރު އަދާކުރަނީ އަހަރެމެންގެ ހިތްވަރުގަދަ ސިފައިންނަށް. އެމީހުން ތިބެނީ އެމީހުންގެ އެންމެ ފަހު ލޭގެ ކޮޅާއި ހަމައަށް އަހަރެމެންގެ ލޮބުވެތި ޤައުމު ދިފާއުކުރަން ތައްޔާރަށް. އަދި ދުޝްމަނުންގެ ކޮންމެ ހަމަލާއަކަށް އެންމެ ފަހު މިނިޓާ ހަމައަށް ރައްދު ދިނިން." އޭނާ ވިދާޅުވިއެވެ.
ތެހެރާންގައި 04:00 ޖެހީ މިވަގުތުން 45 މިނިޓް ކުރިންނެވެ. މިއީ އީރާނުން ހަނގުރާމަ ހުއްޓާލުމަށް އިސްރާއީލަށް ދިން މުހުލަތު ހަމަވާ ވަގުތެވެ. އިސްރާއީލުން ހަނގުރާމަ ހުއްޓާލައިފިނަމަ، އޭނާ ކުރީގެ ބަޔާނުގައި ވިދާޅުވި ގޮތުގައި، "އޭގެ ފަހުން އަހަރެމެންގެ ރައްދު ކުރިއަށް ގެންދިއުމުގެ އެއްވެސް ނިޔަތެއް ނެތެވެ."
އީރާންއާއި އިސްރާއީލުން ހަނގުރާމަ ހުއްޓާލުމަށް އެއްބަސްވެއްޖެކަން އެންމެ ފުރަތަމަ އިއުލާން ކުރެއްވީ އެމެރިކާގެ ރައީސް ޑޮނަލްޑް ޓްރަމްޕްއެވެ. މިކަން އިއުލާން ކުރައްވާފައިވަނީ އެމެރިކާގެ ރައީސް އޭނާގެ އަމިއްލަފުޅު ސޯޝަލް މީޑިއާ ޕްލެޓްފޯމް "ޓްރަސްޓް"ގައި ކުރެއްވި އެކްސް ޕޯސްޓެއްގައެވެ. އެޕޯސްޓް ފަހުންވަނީ އެކްސްގައިވެސް ޕޯސްޓު ކޮށްފައެވެ.
އެމެރިކާގެ ރައީސް ޓްރަމްޕް ވިދާޅުވެފައިވަނީ "12 ދުވަހުގެ ހަނގުރާމަ" ހަނގުރާމަ ހުއްޓާލުމަށް ދެގައުމުންވެސް އެއްބަސްވެފައިވާ ކަމަށެވެ. އެހެންނަމަވެސް ބައެއް މީޑިއަތަކުން ރިޕޯޓު ކޮށްފައިވާ ގޮތުގައި ހަނގުރާމަ ހުއްޓާލުމަށް މެދުވެރިއެއްގެ ދައުރު އަދާކޮށްފައިވަނީ ގަތަރުންނެވެ.
އީރާނުގެ ހާރިޖީ ވަޒީރު އައްބާސް އަރާޤްޗީ ވިދާޅުވީ މިވަގުތު ހަނގުރާމަ ހުއްޓާލުމުގެ އެއްވެސް އެއްބަސްވުމެއް އިސްރާއީލާ އެކު ނެތް ކަމަށެވެ. ނަމަވެސް އިސްރާއީލުން އީރާނަށް ދެމުންދާ ހަމަލާތައް ތެހެރާން ގަޑިން ހެނދުނު 4 ޖަހާއިރު ހުއްޓާލައިފިނަމަ، އީރާނުން ވެސް އަސްކަރީ ރައްދު ހުއްޓާލާނެ ކަމަށް ވިދާޅުވިއެވެ.
"އީރާނުން ތަކުރާރުކޮށް ސާފުކޮށްދީފައިވާ ގޮތުގައި: ހަނގުރާމަ ފެށީ އިސްރާއިލުން، އިރާނުންނެއް ނޫން" އަރާޤްޗީ އެކްސް (X) ގައި ކުރެއްވި ޕޯސްޓެއްގައި ވިދާޅުވިއެވެ.
"މިވަގުތު، ހަނގުރާމަ ހުއްޓާލުމަށް ނުވަތަ އަސްކަރީ އޮޕަރޭޝަންތައް ހުއްޓާލުމަށް އެއްވެސް 'އެއްބަސްވުމެއް' ނެތެވެ."
އަރާޤްޗީ އިތުރަށް ވިދާޅުވީ އިސްރާއީލުން އީރާނަށް ދެމުންދާ "ޤާނޫނާ ޚިލާފު ހަމަލާތައް" ތެހެރާން ގަނޑިން ހެނދުނު 4 ޖެހުމުގެ ކުރިން ހުއްޓާލައިފިނަމަ، "އޭގެ ފަހުން އަހަރެމެންގެ ރައްދު ކުރިއަށް ގެންދިއުމުގެ އެއްވެސް ނިޔަތެއް ނެތެވެ."
"އަހަރެމެންގެ އަސްކަރީ އޮޕަރޭޝަންތައް ހުއްޓާލުމާ ބެހޭ އެންމެ ފަހުގެ ނިންމުން ފަހުން ނިންމާނަން،" އޭނާ ވިދާޅުވިއެވެ.
ބެކްގްރައުންޑް މައުލޫމާތު: ވައިޓް ހައުސްގެ ސީނިއަރ އޮފިޝަލަކު ކުރިން ސީއެންއެން އަށް ބުނެފައިވަނީ އިސްރާއީލުން ހަނގުރާމަ ހުއްޓާލުމުގެ ޑީލަކަށް އެއްބަސްވެފައިވަނީ އީރާނުން އެމީހުންގެ ޤައުމުގައި ހަމަލާތައް ހުއްޓާލުމަށް ޝަރުތު ކުރުމަށްފަހު ކަމަށެވެ. އީރާނުން މި ޝަރުޠުތަކަށް އެއްބަސްވި ކަމަށް އެ މަސްދަރު ބުނެފައިވެއެވެ.
ކޮމެންޓު ފޮނުވާ