ގައުމީ އެއަރލައިން މޯލްޑިވިއަންގެ ހާލަތު މިހާރުން މިހާރަށް ބަދަލު ނުކޮށްފިނަމަ ބަނގުރޫޓުވުމުގެ ބިރު އެބައޮތްކަމަށް ކުރީގެ އިކޮނޮމިކް މިނިސްޓަރ އަދި މިހާރުގެ މާވަށު ދާއިރާގެ މެމްބަރު މުޙައްމަދު ސަޢީދު ވިދާޅުވެއްޖެއެވެ.

ސަޢީދު މިރޭ ކުރެއްވި ޓްވީޓެއްގައި ވިދާޅުވީ 2018 ވަނަ އަހަރު ނިމުނު އިރު މޯލްޑިވައިންގެ އާމްދަނީ ގާތްގަނޑަކަށް 1.6 ބިލިއަން ރުފިޔާއަށް އަރާނެ ކަމަށެވެ. އަދި ސާފު ފައިދާ 123 މިލިއަނަށް އަރާނެ ކަމަށްވެސް ސަޢީދު ވަނީ ވިދާޅުވެފައެވެ.

2018 nimuniru @MaldivianAero ge revenue gaaiygandakah MVR1.6B| Saafu faidhaa MVR123m. RIMS ge 2aharu nimuniru dharani MVR600m!!Kunfuneege haalathu mihaarun mihaarah badhalu nukoffinama kunfuni bangurootu vumuge biru oiykan gaboolu koh islaahu kurumah ilthimaas kuran pic.twitter.com/HOUe1Zk9mm

— Mohamed Saeed (@em_saeed) January 3, 2021

އެހެންނަމަވެސް ސަޢީދު ވިދާޅުވީ ރައީސް އިބްރާހީމް މުޙައްމަދު ޞާލިޙްގެ ވެރިކަމުގެ 2 އަހަރު ނިމުނު އިރު ގައުމީ އެއަރލައިން އޮތީ 600 މިލިއަން ރުފިޔާގެ ދަރަނީގައި ކަމަށްވެސް ސަޢީދު ވަނީ ވިދާޅުވެފައެވެ. އަދި ކުންފުނީގެ ހާލަތު މިހާރުން މިހާރަށް ބަދަލު ނުކޮށްފިނަމަ ބަނގުރޫޓު ވުމުގެ ބިރު އޮތްކަމަށް ގަބޫލުކޮށް އިސްލާހުކުރުމަށް ސަޢީދު ވަނީ ސަރުކާރަށް އިލްތިމާސްކޮށްފައެވެ.

އައިލެންޑް އޭވިއޭޝަނަކީ ކުރީގެ ގައުމީ އެއާލައިން އެއާ މޯލްޑިވްސް 26 އަހަރު ހިންގުމަށް ފަހު ބަނގުރޫޓުވެ ހުރިހާ އޮޕަރޭޝަނެއް 2000 ވަނަ އަހަރު ހުއްޓާލުމަށް ފަހު، ހަމަ އެ އަހަރު އުފެއްދި، ސަރުކާރުގެ 100 ޕަސެންޓް ހިއްސާ އޮންނަ އެއާލައިނެކެވެ.

މާލީ މައްސަލަތަކާ ކުރިމަތިވެފައި ވިޔަސް، އެއާ މޯލްޑިވްސް އަށް ވީ ގޮތަށް އައިލެންޑް އޭވިއޭޝަން ސާވިސް ބަނގުރޫޓު ނުވާނެ ކަމަށް އެ ކުންފުނީގެ މެނޭޖިން ޑިރެކްޓަރު މުހައްމަދު ރިޒްވީ 2019 ވަނަ އަހަރު ވަނީ ވިދާޅުވެފައެވެ.