މިދިޔަ މަހު 14 ކިލޯއަށްވުރެ ގިނަ މަސްތުވާތަކެއްޗާއެކު ހައްޔަރުކުރެވުނު ހއ. ތުރާކުނު، އާހިޔާ، މަރްޔަމް ޒީނާ (23) ގެ ބަންދު އިތުރު 15 ދުވަހަށް ދިގުކޮށްފިއެވެ.
ފުލުހުންގެ މަޢުލޫމާތުން އެނގޭގޮތުގައި، ޒީނާ ހައްޔަރުކުރެވިފައިވަނީ މިދިޔަ މަހުގެ 19 ވަނަ ދުވަހު ހިންގި ޚާއްޞަ އޮޕަރޭޝަނެއްގައެވެ. މިއީ ކޯޓު އަމުރެއްގެ ދަށުން ހުޅުމާލެ ފޭސް 1 ގައި ހުރި އެޕާޓްމަންޓެއް ބަލައި ފާސްކުރުމުގެ ތެރެއިން 14 ކިލޯއަށްވުރެ ގިނަ މަސްތުވާތަކެތި ކަމަށް ޝައްކުކުރެވޭ އެއްޗެހި ފެނުމާ ގުޅިގެން ކުރެވުނު ހައްޔަރެކެވެ.
ޒީނާގެ ބަންދާ މެދު ގޮތެއް ނިންމުމަށް އޭނާ ކޯޓަށް ހާޒިރުކުރެވުނު އިރު، ފުރަތަމަވެސް އޭނާގެ ބަންދަށް 15 ދުވަސް ނިންމާފައިވެއެވެ. އަދި އެ މުއްދަތު ހަމަވުމާއެކު ބަންދު އިތުރު 15 ދުވަހަށް ދިގުކޮށްފައިވެއެވެ.
ފުލުހުން މިހާރު ވަނީ މި މައްސަލައިގެ ތަޙުޤީޤު ކުރިއަށް ގެންދަމުންނެވެ.
ކޮމެންޓު ފޮނުވާ