ގއ. ކޫއްޑޫގެ އައިސް ޕްލާންޓުގައި ކަރަންޓު މައްސަލައެއް ދިމާވުމުގެ ސަބަބުން އެ ތަނުން އައިސް ލިބުން މެދުކެނޑިފައިވާކަން މިފްކޯއިން މިއަދު ހާމަކޮށްފިއެވެ.
މިކަމާ ގުޅިގެން މަސްވެރިން ދަނީ ކަންބޮޑުވުން ފާޅުކުރަމުންނެވެ. މިފްކޯގެ މީޑިއާ ކޯޑިނޭޓަރު އިބްރާހިމް ސައީދު ވިދާޅުވި ގޮތުގައި، ކަރަންޓު މައްސަލަ ހައްލުކުރުމުގެ މަސައްކަތް މިހާރު ދަނީ ކުރެވެމުންނެވެ. އަދި ކުރިއަށް އޮތް 24 ގަޑިއިރުގެ ތެރޭގައި އައިސްގެ ޚިދުމަތް އަލުން ފޯރުކޮށްދިނުމަށް މަސައްކަތްކުރަމުންދާ ކަމަށް އޭނާ ވިދާޅުވިއެވެ.
މިފްކޯގެ މީޑިއާ ގްރޫޕަށް ފޮނުއްވި މެސެޖެއްގައި އިބްރާހިމް ސައީދު ވިދާޅުވެފައިވަނީ ގދ. ގައްދޫ އަދި ތިނަދޫ އައިސް ޕްލާންޓުގެ މައްސަލަ ދެނެގަނެ، އެކަން ހައްލުކުރުމަށް އިންޖިނިއަރުން މިހާރު ދަނީ މަސައްކަތްކުރަމުންނެވެ.
މިދިޔަ އޯގަސްޓް 29 އިން ފެށިގެން މިފްކޯއަށް މަސްކިރާ ދޯނިތަކަށް 10 ޓަނާ ހަމައަށް، ފަހުން ފައިސާ ދައްކާ ގޮތަށް އައިސް ދޫކުރަން ވަނީ ފަށާފައެވެ.
