ޕީޕަލްސް ނެޝަނަލް ކޮންގްރެސް (ޕީއެންސީ) އިން މިއަދު އިޢުލާން ކުރި ގޮތުގައި، އެ ޕާޓީގެ ސެކްރެޓަރީ ޖެނެރަލްގެ މަޤާމަށް މުއާޒް ހަލީމް ވަނީ އައްޔަނުކުރެވިފައެވެ. މި އައްޔަނުކުރުމާ ގުޅިގެން ޕީއެންސީން ވަނީ "އެކްސް" މެދުވެރިކޮށް މުއާޒް ހަލީމަށް މަރުޙަބާ ދަންނަވާފައެވެ.
މި މަޤާމުގައި މީގެ ކުރިން ހުންނެވި ޒީނާޒް އަދުނާން އައްޔަނުކުރެވިފައިވަނީ މިދިޔަ އަހަރުގައެވެ. ޒީނާޒަކީ މިހާރުގެ ލޯކަލް ގަވަރމަންޓް މިނިސްޓަރު އާދަމް ޝަރީފު އުމަރުގެ އަނބިކަނބަލުންނެވެ.
ޕާޓީގެ އުސޫލުތަކުގެ ދަށުން، ޕީއެންސީގެ އިދާރީ ހިންގުމުގެ އެންމެހައި ކަންކަން ބަލަހައްޓަވަމުން ގެންދަވާނީ އެއިރެއްގައި ހުންނަވާ ސެކްރެޓަރީ ޖެނެރަލެވެ.
