ދިވެހިރާއްޖެއަށް މަސްތުވާތަކެތި އެތެރެކޮށް އޭގެ ވިޔަފާރިކުރާ ކަމުގެ ތުހުމަތުގައި އިންޑިއާގެ ދެ މީހަކު ހައްޔަރުކޮށްފިއެވެ. މި މައްސަލައިގައި ހައްޔަރުކުރެވުނު ދެ މީހުންނަކީ 30 އަހަރުގެ ސައްދާމް ހުސައިނާއި 31 އަހަރުގެ އެމްޑީ ތަމަންނާއެވެ.
މި މައްސަލައިގައި ދެ މީހުން ކޯޓަށް ހާޒިރުކުރުމަށްފަހު، އެ ދެ މީހުންގެ ބަންދު މުއްދަތު 10 ދުވަހަށް އިތުރުކޮށްފައިވެއެވެ. މައްސަލައިގެ ބަންދު އަމުރު ރިޕޯޓުގައިވާ ގޮތުން، މި ދެ މީހުންގެ މައްޗަށް ކުރެވޭ ތުހުމަތުތަކާ ގުޅޭ ހެކިތައް ކޯޓަށް ހުށަހަޅާފައިވެއެވެ. މީގެ ތެރޭގައި ކޮންޓްރޯލް ޑެލިވަރީގެ ލިޔެކިޔުންތަކާއި، ފޮޓޯތަކުގެ އިތުރުން ކަސްޓަމްސްގެ ލިޔެކިޔުންތައްވެސް ހިމެނެއެވެ.
