ބްރޯޑްކާސްޓިން ކޮމިޝަންގެ ހުސްވެފައިވާ މަޤާމުތަކަށް ރައްޔިތުންގެ މަޖިލިހުގެ ކުރީގެ މެމްބަރު މުހައްމަދު އަބްދުﷲ (މުހަންމާ) އާއި ރައީސް ޔާމީންގެ ތަރުޖަމާނުކަން ކުރެއްވި އިބްރާހީމް މުއާޒް އައްޔަންކޮށްދިނުމަށް ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހަށް ހުށަހަޅުއްވައިފިއެވެ.
މި ދެ މަޤާމު ހުސްވެފައިވަނީ ކޮމިޝަންގެ ރައީސްކަމުގައި ހުންނެވި މަރިޔަމް ވަހީދާ އާއި މެންބަރު އަލީ ޔޫސުފްގެ ދައުރު މި މަހުގެ 5 ވަނަ ދުވަހު ހަމަވުމާ ގުޅިގެންނެވެ. މި މަޤާމުތަކަށް މީހުން ހޯދުމަށް ހުޅުވާލުމުން 12 ފަރާތަކުން ވަނީ ކުރިމަތިލާފައެވެ. ކުރިމަތިލި ފަރާތްތަކުގެ ތެރެއިން ޝަރުތު ހަމަވާ ފަރާތްތައް ރައީސް މުއިއްޒު ވަނީ އިސްކަންދެއްވާ ތަރުތީބުން މަޖިލީހަށް ހުށަހަޅުއްވާފައެވެ. މި ގޮތުން ރައީސް މަޖިލީހަށް ފޮނުއްވި ލިސްޓުގެ އެންމެ ކުރީގައި ހިމެނެނީ މުހައްމަދު އަބްދުﷲ އާއި އިބްރާހީމް މުއާޒްގެ ނަންތަކެވެ.
