ދުނިޔެއިން މިހާތަނަށް ރެކޯޑުކުރެވިފައިނުވާ އައު ބާވަތެއްގެ މަހެއް ރާއްޖެއިން ފެނިފައިވާކަމަށް މެރީން ޖާނަލް މޯލްޑިވްސްއިން މިއަދު ހާމަކޮށްފިއެވެ. މި އައު މަހުގެ ބާވަތް ފެނިފައިވަނީ ކަނޑުގެ އަޑިން އަލި ފަނޑުވާ ފުންމިނުން ކަމަށްވާ 95 މީޓަރާއި 110 މީޓަރާ ދެމެދުގެ ސަރަހައްދުންނެވެ.
މި އައު މަހުގެ ބާވަތް ހޯދުމަށްފަހު، އޭގެ 4 މަސް ދަލުގައި ހިފައި އިތުރު ތަހުލީލުތަކެއް ކުރެވުނެވެ. މި ތަހުލީލު ކުރިއަށް ގެންގޮސްފައިވަނީ ބޭރުގެ ތަޖުރިބާކާރުންނާއި ދިވެހި ޓީމެއް ގުޅިގެންނެވެ. ދިރާސާތަކުގެ ނަތީޖާއިން ދައްކާގޮތުގައި މިއީ ދުނިޔެއިން މިހާތަނަށް ރެކޯޑުކުރެވިފައިނުވާ އައު މަހެއްގެ ބާވަތެކެވެ.
ދުނިޔެއިން އަލަށް ރިކޯޑުކުރެވުނު މަހެއް ، ދިވެހިރާއްޖެއިން! 🇲🇻
ސައިންޓިފިކް ނަމަކަށް : ކްރޯމިސް އަބަދަށް
🧵1/5 pic.twitter.com/ZEI7V35ir8
— މެރީން ޖަރނަލް މޯލްޑިވްސް (@MarineJournalMV) December 7, 2024
ދިރާސާގެ ތެރޭގައި މި މަސް ފެނިފައިވަނީ ފާދިއްޕޮޅުން ފެށިގެން ނިލަންދެ އަތޮޅު ދެކުނުބުރީގެ ސަރަހައްދާ ހަމައަށް، ޖުމުލަ 180 ކިލޯމީޓަރުގެ ސަރަހައްދުން ހިމެނޭ 8 ތަފާތު ސަރަހައްދަކުންނެވެ. މި ހޯދުމުގެ އަލީގައި، މި މަހުގެ ބާވަތް މުޅި ރާއްޖޭގެ އެކި ސަރަހައްދުތަކުން ފެނުމަކީ އެކަށީގެންވާ ކަމެއް ކަމަށް ދިރާސާވެރިން ބެލެވެއެވެ.
6.9 ސެންޓިމީޓަރަށް ބޮޑުވާ މި ކުޑަ މަހަކީ ދަނބާގެ އާއިލާގެ މަހެކެވެ. މި އާއިލާގެ އެހެން ގިނަ ބާވަތްތަކެއް ދިވެހިރާއްޖޭގެ ކަނޑުފަޅުތަކުން ފެނެއެވެ. މި އައު ބާވަތުގެ މަހަށް ސައިންޓިފިކް ނަމެއްގެ ގޮތުގައި "ކްރޯމިސް އަބަދަށް" މިހާރު ވަނީ ދީފައެވެ.
ކޮމެންޓު ފޮނުވާ