މުލިއާގެ ސަރަހައްދުގައި މުސާރަ ނުލިބޭކަމަށް ބުނެ އެއްވި 55 ބިދޭސީން އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
ފުލުހުން މައުލޫމާތު ދެއްވިގޮތުގައި މުސާރަ ނުލިބޭކަމަށް ބުނެ ބިދޭސީންތަކެއް މުލިއާގެ ސަރަހައްދުގައި ހިތްހަމަނުޖެހުން ފާޅުކުރަމުންދާތީ، އެމައްސަލަ ބެލުމަށް ފުލުހުން އެސަރަހައްދަށް ގޮސްފައިވެއެވެ. އިމިގްރޭޝަންގެ ބެލުމުގެ ދަށަށް ގެންދެވުނު މީހުންގެ ތެރޭގައި ހިމެނެނީ އިންޑިއާއަށް ނިސްބަތްވާ 38 މީހުންނާއި ބަންގްލަދޭޝްއަށް ނިސްބަތްވާ 17 މީހުންނެވެ.
ރާއްޖޭގައި ބިދޭސީން ލައްވާ މަސައްކަތްކުރުވުމަށްފަހު މުސާރަ ނުދިނުމަކީ ވަރަށް އާންމު މައްސަލައެކެވެ. މިފަދަ މައްސަލަތަކުގައި ކުރިންވެސް ބިދޭސީން އެއްވެ މުޒާހަރާކޮށްފައިވެއެވެ. މިފަދަ މައްސަލަތައް ހައްލުކުރުމަށްޓަކައި ސަރުކާރުން ދަނީ ޚާއްސަ މަސައްކަތްތަކެއް ކުރަމުންނެވެ.
ކޮމެންޓު ފޮނުވާ