އިސްލާމިކް މިނިސްޓްރީގެ 22 އަންހެން މުވައްޒަފުން ތަމްރީން ދަތުރެއްގައި ސައުދީ އަރަބިއްޔާ އަށް ގޮސްފިއެވެ.
އިސްލާމިކް މިނިސްޓްރީން ބުނި ގޮތުގައި މި ދަތުރަކީ މައްކާގެ ވަޤުފު މުއައްސަސާއިން އިންތިޒާމްކުރާ ދަތުރެކެވެ.
މި ދަތުރުގައި މުވައްޒަފުން ޢުމްރާކުރުމުގެ އިތުރުން، ޢިލްމީ ދައުރާއަކާއި، މައްކާގެ ތާރީޚީ، ދީނީ އަދި އިޖުތިމާޢީ އެކި މުއައްސަސާތަކަށް ޒިޔާރަތް ކުރުމަށް ހަމަޖެހިފައިވާ ކަމަށް އިސްލާމިކް މިނިސްޓްރީން ބުންޏެވެ.
މި ދަތުރަށް ފުރުމުގެ ކުރިން، އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވަނީ ދަތުރުގައި ބައިވެރިވާ މުވައްޒަފުންނާ ބައްދަލުކޮށް، ދަތުރުގެ ބޭނުން ހެޔޮ ގޮތުގައި ހިފައި، ލިބުނު ތަމްރީންތަކުގެ ބޭނުން އަމަލީ މައިދާނުގައި ހިފުމަށް ނަސޭހަތްތެރިވެފައެވެ.
މި ދަތުރުތަކަކީ ސަރުކާރުވެ އެއްވެސް މުވައްސަސާއަކުން އަދި ކުންފުންޏަކުން ވެސް އެއްވެސް ހަރަދެއް ކުރާ ދަތުރުތަކެއް ނޫނެވެ.
މިއީ ވުޒާރާގެ މުވައްޒަފުންގެ ފެންވަރު މަތިކޮށް، އިތުރު ތަމްރީންތައް ހޯދައިދިނުމުގެ މަޤުސަދުގައި ކުރިއަށްދާ ދަތުރެއް ކަމަށް އިސްލާމިކް މިނިސްޓްރީން ބުންޏެވެ.
