އިސްރާއީލުގެ ބޮޑުވަޒީރުގެ އޮފީހުން ހާމަކުރި ގޮތުގައި، ހޮނިހިރު ދުވަހު ލެބަނަނުން އައި ޑްރޯނެއް އިސްރާއީލުގެ ބޮޑުވަޒީރު ބެންޖަމިން ނެތަންޔާހޫގެ އަމިއްލަ ގެއަށް އަމާޒު ވެއްޖެއެވެ. އައްސޭރިފަށހުގައި ހުންނަ، ސީޒޭރިއާ ކިޔާ ކަނޑުގެ އައްސޭރިފަށުގެ ސިޓީގައި ހުންނަ މިގެއަށް ވަނީ ޑްރޯން ހަމަލާ އަމާޒު ވެފައެވެ. ނަމަވެސް މި ހަމަލާގައި އެއްވެސް މީހަކަށް އަނިޔާއެއް ވެފައެއް ނުވެއެވެ.
ބޮޑުވަޒީރުގެ އޮފީހުން ބުނެފައިވާ ގޮތުގައި، މި ހާދިސާ ހިނގީ ބޮޑުވަޒީރު ނެތަންޔާހޫ އާއި އޭނާގެ އަނބިކަނބަލުން ސާރާ އެ ސަރަހައްދުގައި ނެތީސް ކަމުގައެވެ.
މި ހަމަލާގައި، އިސްރާއީލުގެ ދިފާއީ ބާރުތަކުން ބުނެފައިވާ ގޮތުގައި، ލެބަނަނުން އިސްރާއީލުގެ ވައިގެ ސަރަހައްދަށް ވަން އިތުރު ދެ ޑްރޯން ވަނީ އިސްރާއީލުގެ ސިފައިން ވައްޓާލާފައެވެ.
ލެބަނަނުން އައި ޑްރޯންތަކުގެ ތެރެއިން އެއް ޑްރޯން ރާޑާއިން ދައްކާ މިންވަރަށްވުރެ ދަށުން ދަތުރުކޮށް، އިސްރާއީލުގެ ހެލިކޮޕްޓަރު ފަސްދީ އެ ޑްރޯންވަނީ ދަތުރު ކޮށްފައެވެ.
އިސްރާއީލުން ލުބުނާނަށް ހަމަލާ ދެމުންދާއިރު، ލުބުބާނުގެ ހިޒްބުﷲ ޖަމާއަތުން ބުނެފައިވަނީ ކުރިޔަށް އޮތް ދުވަސްތަކުގައި ހައިރާންކުރުވަނިވި ހަމަލާތަކެއް އިސްރާއީލަށް ދޭން ފަށަނެ ކަމުގައެވެ.
