ހިޒްބުއްﷲއިން އިސްރާއީލަށް 320 ރޮކެޓް ހަމަލާ ފޮނުވާލާފައިވާކަމަށް އިސްރާއީލުގެ އަސްކަރިއްޔާއިން ބުނެފިއެވެ. މި ހަމަލާތައް ފެށުނީ ހުކުރު ދުވަހުގެ ރޭ އިރުއޮއްސި 6 ޖެހިއިރުއެވެ.
ހޮނިހިރު ދުވަހު ހިޒްބުއްލާއިން ބުނެފައިވަނީ އިސްރާއީލަށް ރޮކެޓް ހަމަލާތައް ދެމުންދާ ކަމަށާއި، މި ހަމަލާތައް އަމާޒުކުރީ ބޯޑަރުގެ ދެކުނުން ކައިރި ރަށްތަކުގައި ތިބި ކަމަށް ބުނާ "އިސްރާއީލީ އަދާވާތްތެރި ބާރުތަކުގެ އެއްވުމަކަށް" ކަމަށެވެ.
އިސްރާއީލުން މަޢުލޫމާތު ދީފައިވާ ގޮތުގައި، ލުބުނާނުން ދިން ރޮކެޓް ހަމަލާތަކާ ގުޅިގެން ތިން ފިރިހެނަކަށް މާބޮޑު ނޫން އަނިޔާތަކެއް ލިބިފައިވެއެވެ. މި ގިނަ ހަމަލާތަކުގެ ޒިންމާ ހިޒްބުއްލާއިން ވަނީ ނަގާފައެވެ.
މި ދަނޑިވަޅުގައި، އިސްރާއީލުން ބުނެފައިވަނީ އިސްރާއީލުގެ ބޮޑުވަޒީރު ބެންޖަމިން ނެތަންޔާހޫ އާދީއްތަ ދުވަހު ކެބިނެޓް ބައްދަލުވުމެއް ބާއްވާނެއެވެ. މި ބައްދަލުވުން ބޭއްވުމަށް ހަމަޖެހިފައިވަނީ އިސްރާއީލުން ޣައްޒާގައި އަސްކަރީ ހަރަކާތްތައް ވަރުގަދަކޮށް، އެ ސަރަހައްދުތައް ދޫކޮށް ދިއުމުގެ އަމުރުތައް ނެރެ، އެހީގެ ސަޕްލައިތައްވެސް ހުއްޓުވަމުންދާ ދަނޑިވަޅެއްގައެވެ.
