އިޒްރޭލު ސަރުކާރު ނުވަތަ އެ ފަރާތުން ފޮނުވާ ވަފުދުތަކުން ބުނާ އެއްވެސް އެއްޗަކަށް އެއްވެސް މީހަކު ސީރިއަސްކަމެއް ނުދޭނެ ކަމަށާއި އިޒްރޭލު ސަރުކާރަކީ ދޮގޮހަދާ ސަރުކާރެއް ކަމުގައި އިންސާނީ ހައްގުތަކާބެހޭ ޔޫއެންގެ އެކްސްޕާޓް ކްރިސް ސިދޯޓީ ވިދާޅުވެއްޖެއެވެ.
ސިދޯޓީ މިހެން ވިދާޅުވީ، އޭނާ މެންބަރެއްގެ ގޮތުގައި ހިމެނިވަޑައިގަންނަވާ އދ.ގެ އޮކިއުޕައިޑް ޕެލެސްޓީނިއަން ޓެރިޓަރީއާ ބެހޭ މިނިވަން، ބައިނަލްއަޤްވާމީ ތަޙްޤީޤު ކޮމިޝަނުން ނެރުމަށް ތައްޔާރުވަމުންދާ ރިޕޯޓެއް ނެރުމުގެ ކުރިންނެވެ. އޭނާ އިތުރަށް ވިދާޅުވީ އިޒްރޭލުން "ގާޒާގެ ސިއްޙީ ޚިދުމަތްތަކާއި ސިއްޙީ މަސައްކަތްތެރިން އަމާޒުކޮށް ހަލާކުކުރަމުންދާ" ކަމަށެވެ.
ސިދޯޓީ ވިދާޅުވީ "ހެކިތަކުން ސާފުކޮށް ދައްކައިދެނީ" އިޒްރޭލުން ގާޒާގެ ސިއްޙީ ނިޒާމަށް "ގަސްތުގައި، އަމާޒުކޮށްގެން ދޭ ހަމަލާތައް" ކަމަށެވެ. އަދި މިއީ "އެ ނިޒާމު ފުނޑުފުނޑުކޮށްލުމަށް" އަމާޒުކޮށްގެން ކުރާ ކަމެއް ކަމަށް ވިދާޅުވިއެވެ. މި ޢަމަލުތަކަކީ "ހަނގުރާމައިގެ ކުށަކާއި އިންސާނިއްޔަތާ ދެކޮޅު ކުށެއް" ކަމަށް އޭނާ ވިދާޅުވިއެވެ.
ތަޙްޤީޤު ކޮމިޝަނުގެ ރިޕޯޓު އދ.ގެ ޖެނެރަލް އެސެމްބްލީއަށް ހުށަހަޅާނީ އޮކްޓޯބަރު 30 ގައެވެ.
