އިސްރާއީލުން ލުބުނާނަށް އަރާ ކުރަމުންދާ ހަނގުރާމާގައި ހިޒުބުﷲ ޖަމާއަތުގެ މުޖާހިދުން އިސްރާއީލު ސިފައިންގެ 8 މީހަކު މަރާލާ، އިތުރު 7 ސިފައިން ޒަޚަމް ކޮށްލައިފިއެވެ.
އިސްޜާއީލު ޑިފެންސް ފޯސް (އައިޑީއެފް)އިން ބުނެފައިވާ ގޮތުގައި މިއަދު 8 ސިފައިން މަރުވެފައިވާއިރު، އިތުރު 7 ސިފައިން ވަނީ ޒަޚަމް ވެފައެވެ.
މިއީ އިސްރާއީލުން ލުބުނާނަށް އެއްގަމު މަގުން އެރިފަހުން ފުރަތަމަ މަރުވި ސިފައިންނެވެ.
އިސްރާއީލު ސިފައިން ލުބުނާނަށް އަރާފައިވަނީ ވައިގެން މަގުން ހަފްތާއެއްވަންދެން އެގައުމަށް ބޮން އެޅުމަށްފަހުއެވެ. މި ހަމަލާތަކުގައި އިސްރާއީލުން ވަނީ ހިޒުބުﷲ ޖަމާއަތުގެ ލީޑަރު ހަސަން ނަސްރުﷲ ޝަހީދު ކޮށްލާފައެވެ. އަދި ލުބުނާނުގެ 1،000 އަށްވުރެ ގިނަ އާންމު ރައްޔިތުންވެސް ވަނީ މި ހަމަލާތަކުގައި މަރުވެފައެވެ.
އިސްރާއީލުން ޣައްޒާއަށާއި ލުބުނާނަށް ދެމުންދާ ހަމަލާތަކުގެ ބަދަލު ހިފުމުގެ ގޮތުން އިރާނުންވަނީ އިޒްރާއީލަށް 200 ކުރޫޒު މިސައިލް ފޮނުވާލާފައެވެ.
މި ހަމަލާތައް އަމާޒު ކޮށްފައިވަނީ އިސްރާއީލުގެ އަސްކަރީ މަރުކަރުތަކަށާއި އެގައުމުގެ ޖާސޫސީ އިދާރާ، މޮސާޑުގެ މައި މަރުކަޒަށެވެ.
