ކޯވިޑް-19ގެ ސަބަބުން ރާއްޖޭގެ ބޯޑަރު ބަންދުކޮށް އަލުން ހުޅުވާލިފަހުން ވެލާނާ އިންޓަނޭޝަނަލް އެއަރޕޯޓަށް އެންމެ ބާރުބޮޑުވާނެ ކަމަށް ލަފާކުރެވެނީ މިއަދާއި މާދަމާކަމަށް އެމްއޭސީއެލުން ހާމަކޮށްފިއެވެ.
ވީއައިއޭ އޮޕަރޭޓްކުރާ މޯލްޑިވްސް އެއަރޕޯޓްސް ކޮމްޕެނީ ލިމިޑުން ބުނީ މިއަދާއި މާދަމާ ރާއްޖެއަށް ގިނަ އަދަދެއްގެ ފްލައިޓުތައް އައުމަށް ޝެޑިއުލްކޮށްފައިވާކަމަށެވެ. އެހެންކަމުން މި ދެ ދުވަހު ގިނަ އަދަދެއްގެ ދަތުރުވެރިންވެސް ރާއްޖެއަށް އަންނާނެކަމަށް އެމްއޭސީއެލުން ބުނެއެވެ. އެހެންކަމުން އެއަރޕޯޓުގެ އޮޕަރޭޝަންތައް އެންމެ އޮމާންކަމާއެކު ކުރިއަށްގެންދިޔުމަށް މުޅި އެމްއޭސީއެލް ތައްޔާރަށް އޮތްކަމަށް އެކުންފުނިން ބުނެއެވެ.
After border reopen, we are expecting to see the most amount of traffic & passengers @VelanaAirport on 26 & 27 Dec 2020.
Our team is ready to attend to all the operational requirements for a smoother operation.
We thank all our stakeholders for their support and patience . pic.twitter.com/ZMHM4j5hXA— Maldives Airports Company Ltd – MACL (@MACLmedia) December 25, 2020
ޖުލައި 15 ވަނަ ދުވަހު ރާއްޖޭގެ ބޯޑަރު އަލުން ހުޅުވާލިފަހުން މިހާތަނަށް 21 އެއަރލައިނަކުން ރާއްޖެއަށް ވަނީ ދަތުރުތަށް ފަށާފައެވެ. އޭގެތެރޭގައި ރާއްޖެއަށް މުޅިން އަލަށް ދަތުރުކުރާ ބައެއް އެއަރލައިން ތައްވެސް ހިމެނެއެވެ. މީގެއިތުރުން ޑިމާންޑަށް ބަލައި ދުވާލަކު 3 ނޫނީ 4 ދަތުރުވެސް ބައެއް އެއަރލައިންތަކުން ރާއްޖެއަށް އަންނަނީ ކުރަމުންނެވެ.
ރާއްޖެއަށް މިހާތަނަށް އެންމެ ގިނަ ފަތުރުވެރިން އުފުލާފައިވާ އެމިރޭޓްސް އިން މިހާރު ރާއްޖެއަށް ދުވާލަކު 4 ދަތުރު ބާއްވައެވެ. އަދި ރާއްޖޭގެ ބޯޑަރު އަލުން ހުޅުވާލުމުން އެންމެ ފުރަތަމަ ދަތުރުފެށި ގަތަރު އެއަރވޭސް އިން ވެސް މިހާރު ގެންދަނީ ދުވާލަކު 3 ދަތުރު ރާއްޖެއަށް ކުރަމުން ނެވެ. ގަތަރު އެއަރވޭސް އަކީ 2 ވަނައަށް ރާއްޖެއަށް އެންމެ ގިނަ ފަތުރުވެރިން މިހާތަނަށް އުފުލާފައިވާ އެއަރލައިނެވެ. މި ލިސްޓްގެ 3 ވަނާގައި އޮތީ ރަޝިއާގެ އޭރޯފްލޮޓް އެވެ.
