މިއަދު އުތުރާއި މެދުރާއްޖެތެރޭގެ އެކި ސަރަހައްދުތަކަށް ވިއްސާރަ ކުރާނެ ކަމަށް މޫސުމާބެހޭ ޤައުމީ އިދާރާ (މެޓް) އިން ލަފާކޮށްފައިވެއެވެ. ބައެއް ރަށްރަށަށް ވާރޭވެހި، ގުގުރުމާއެކު ބޯކޮށް ވާރޭވެހުމަކީ އެކަށީގެންވާ ކަމެއްކަމަށް މެޓް އޮފީހުން ލަފާކޮށްފައި ވެއެވެ. އަދި ދެކުނުގެ ބައެއް ހިސާބުތަކަށް ކެރީގެ އަސަރު ކުރާނެ ކަމަށްވެސް ލަފާކުރެވެއެވެ.
ދެކުނުގެ އަތޮޅުތަކަށް ދެކުނާއި ހުޅަނގު ދެކުނުން، އަދި އެހެނިހެން ސަރަހައްދުތަކަށް ހުޅަނގު ދެކުނާއި ހުޅަނގުން ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ބެލެވެއެވެ. ވިއްސާރައިގެ ތެރޭގައި ވައިގެ ބާރުމިން ގަޑިއަކު 35 މޭލަށް އަރާފާނެ ކަމަށްވެސް ލަފާކުރެވެއެވެ.
ކަނޑުގެ ޙާލަތަށް ބަލާއިރު، އާންމު ގޮތެއްގައި މަޑުޖެހިފައި އޮންނާނެ ނަމަވެސް، ވިއްސާރައިގެ ވަގުތުތަކުގައި ގަދަވެދާނެ ކަމަށް ބެލެވެއެވެ. ރާޅުގެ އުސްމިން 2 ފޫޓާއި 5 ފޫޓާ ދެމެދުގައި ހުންނާނެ ކަމަށް މެޓްއިން ލަފާކޮށްފައިވެއެވެ.
