މޫސުން ގޯސްވުމާ ގުޅިގެން ސަރުކާރުން މާދަމާ ބަންދު ދުވަހެއްގެ ގޮތުގައި ކަނޑައަޅާފައިވީ ނަމަވެސް، ބޭންކް އޮފް މޯލްޑިވްސް (ބީއެމްއެލް) އިން ޢާންމު ދުވަހެއްގެ ގޮތުގައި ޚިދުމަތް ފޯރުކޮށްދޭނެކަމަށް އިޢުލާނުކޮށްފިއެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ނިންމާފައިވާ ގޮތުގެ މަތިން ބޭންކުތައް ހުޅުވާ ޚިދުމަތް ދޭން ޖެހޭތީ، މާދަމާ ވެސް ބީއެމްއެލްގެ ޚިދުމަތްތައް މެދުނުކެނޑި ކުރިއަށްދާނެ ކަމަށް އެ ބޭންކުން މަޢުލޫމާތު ދީފައިވެއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މާދަމާ ބަންދު ދުވަހެއްގެ ގޮތުގައި ކަނޑައެޅުއްވީ ގިނަ ރަށްތަކަށް ބޯކޮށް ވާރޭވެހި، މޫސުން ގޯސްވެފައިވާތީއެވެ. މި ނިންމެވުމަކީ ދަރިވަރުންނާއި ވަޒީފާއަށް ދަތުރުކުރާ ފަރާތްތަކަށް ލުއިފަސޭހަކަމެއް ހޯދައިދިނުމުގެ ގޮތުން ނިންމެވި ނިންމެވުމެކެވެ.
ކޮމެންޓު ފޮނުވާ