ރައީސް ޑރ. މުޙައްމަދު މުޢިއްޒުގެ އިސްނެންގެވުމުގެ ދަށުން ފެށިފައިވާ ރާއްޖޭގައި ފަސް މިލިއަން ގަސް އިންދުމުގެ މަޝްރޫޢުގައި އިންޑިއާގެ ޚާރިޖީ ވަޒީރު ޑރ. އެސް. ޖައިޝަންކަރު ބައިވެރިވެވަޑައިގެންފިއެވެ. މި މުހިންމު މަޝްރޫޢުގެ ތެރެއިން، ޖައިޝަންކަރު ވަނީ މިއަދު މާލޭގެ ލޮނުޒިޔާރަތް ޕާކުގައި ސްޓަރ ފްރޫޓް ގަހެއް އިންދަވާފައެވެ.
މި ޚާއްޞަ ހަރަކާތުގައި ޖައިޝަންކަރުގެ އަރިހުގައި ރާއްޖޭގެ ޚާރިޖީ ވަޒީރު މޫސާ ޒަމީރު، ތިމާވެށީގެ ވަޒީރު ތޯރިޤް އިބްރާހީމް، އަދި މާލެ ސިޓީ ކައުންސިލްގެ މޭޔަރު އާދަމް އާޒިމް ބައިވެރިވެވަޑައިގެންނެވިއެވެ. މި ބައިވެރިވުމަކީ ދެ ޤައުމުގެ ދެމެދުގައި އޮތް ގުޅުން އިތުރަށް ބަދަހިވެގެންދިޔުމުގެ ނިޝާނެއްގެ ގޮތުގައި ގިނަ ބަޔަކު ދަނީ ފާހަގަ ކުރަމުންނެވެ
Pleased to jointly plant a Carambola (Star Fruit – कमरख) sapling along with Foreign Minister @MoosaZameer and Climate Change, Environment and Energy Minister @Thoriqibrahim in Lonuziyaaraiy Park, Malé today.
The sapling symbolises our commitment to a sustainable future and the… pic.twitter.com/BI8zxCP8te
— Dr. S. Jaishankar (@DrSJaishankar) August 10, 2024
.
ރައީސް މުޢިއްޒުގެ ސަރުކާރުން ވަނީ އެ މަނިކުފާނުގެ ފަސް އަހަރުގެ ދައުރުގެ ތެރޭގައި 90 އަށްވުރެ ގިނަ ބާވަތުގެ ގަސް ރާއްޖޭގެ އެކި ކަންކޮޅުތަކުގައި އިންދުމަށް ރޭވިފައެވެ. މި މަޝްރޫޢުގެ މުހިންމު ބައެއްގެ ގޮތުން، އިންދާ ގަސްތައް މޮނިޓަރކޮށް، އޭގެ ދުޅަހެޔޮކަން ވަޒަންކޮށް، އަދި އެ ގަސްތަކުން ކާބަން ނަގާ މިންވަރު ދެނެގަނެވޭނެއެވެ. މިއީ ރާއްޖޭގެ ތިމާވެށި ރައްކާތެރިކުރުމަށާއި މޫސުމަށް އަންނަ ބަދަލުތަކާ ކުރިމަތިލުމަށް އެޅޭ މުހިންމު ފިޔަވަޅެއްގެ ގޮތުގައި ބެލެވެއެވެ.
މި ފާހަގަކޮށްލެވޭ މަޝްރޫޢު ރަސްމީކޮށް ފެށިފައިވަނީ މިއަހަރުގެ ތިމާވެށީގެ ދުވަހުގައެވެ. މި މަޝްރޫޢަކީ ރާއްޖޭގެ ޤުދުރަތީ ވެށި ހިމާޔަތްކޮށް، ދެމެހެއްޓެނިވި ތަރައްޤީއަށް މަގުފަހިކުރުމަށް އެޅޭ މުހިންމު ފިޔަވަޅެއްގެ ގޮތުގައި ސަރުކާރުން ދެކެއެވެ.
ކޮމެންޓު ފޮނުވާ