ދައުލަތުގެ ތިން ވަޒީރުން ދާދިފަހުން ޗައިނާއަށް ކުރެއްވި ދަތުރުފުޅުގައި، ޗައިނާ ސަރުކާރުގެ އެހީގައި އެޅުމަށް ހަމަޖެހިފައިވާ 30،000 ހައުސިން ޔުނިޓްގެ މަޝްވަރާތައް ވަނީ ކުރިޔަށް ގެންގޮސްފަައިވާކަމަށް އިންފްރާ ސްޓްރަކްޗަރ މިނިސްޓަރ ޑރ.ޢަބްދުالله މުއްތލިބު ވިދާޅުވެއްޖެއެވެ.
ވީޓީވީން ގެނެސްދިން ފަސްމަންޒަރު ޕްރޮގްރާމްގައި ވާހަކަ ދައްކަވަމުން، ޑރ. މުއްތަލިބު ވިދާޅުވީ،
ޗައިނާއަށް މިޖުލައިމަހު މިިނިސްޓަރ އޮފް ފޮރިންއެފެއަރޒް މޫސާ ޒަމީރު އަދި މިނިސްޓަރ އޮފް ފައިނޭންސް ޑރ.މުޙައްމަދު ޝަފީޤްއާ އަދި އޭނާ ކުރެެއްވި ރަސްމީ ދަތުރުފުޅުގެ މަޤްޞަދަކީ މިއަހަރު ކުރީކޮޅު ރައީސުލްޖުމްހޫރިއްޔާ ކުރެއްވި ފުރަމާނަދަތުރުފުޅާއި ގުޅިގެން ސޮއެކުރެވިފައިވާ އެއްބަސްވުމުގެ ކަންތައްތައް ކުރިއަށް ގެންދިއުމަށްޓަކާ އިތުރަށް ކުރަންޖެހޭ މަޝްވަރާތަށްކޮށް އެކަންތައްތަކަށް ބާރުއެޅުއްވުން ކަމުގައެވެ.
އެގޮތުން މާލެ އަދި ވިލިމާލޭގެ މަގުތައް ތަރައްޤީ ކުރުމަށްޓަކައި ދިވެހި ސަރުކާރާއި ޗައިނާ ސަރުކާރާއި ދެމެދު ލެޓަރ އޮފް އެކްސްޗޭންޖެއްގައިވަނީ މި ދަތުރުގައި ސޮއިކުރެވިފައެވެ. އަދި ވަރަށް އަވަހަށް މި މަޝްރޫޢުގެ ފީސިބިލިޓީއާއި ޑިޒައިން މަސައްކަތް ކުރާ ޓީމްތައް ރާއްޖެ އަންނާނެވާހަކަވެސް މިނިސްޓަރވަނީ ފާހަގަ ކުރައްވާފައެވެ. ހަމަމިއާއެކު ވިލިމާލެ ހޮސްޕިޓަލް ގެ މަސައްކަތް ކުރަންބޭނުންވާ ލެޓަރ އޮފް އެކްސްޗޭންޖްގައި ސޮއެ ކުރެވި އޭގެ ފީސިބިލިޓީގެ މަސައްކަތް މިހާރު ކުރިޔަށްދާކަމާއި އުއްމީދަކީ ލަސްނުވެ ކޮންޓްރެކްޓަރއެއް ހޯދުމުގެ މަސައްކަތް ފެށިގެންދާނެކަމަށެވެ.
ގެދޮރުގެ މަޝްރޫޢުއަށް ބަލާއިރު މުއްތަލިބު ވަނީ 30,000 ހައުސިންގ ޔުނިޓުގެ މަސައްކަތް ކުރުމަށް ޗައިނާ ސަރުކާރާއިއެކު ސޮއެކުރެވިފައިވާ އެމްއޯޔޫއަށް އަލިއަޅުއްވާލައްވާފައެވެ. އެ އެމްއޯޔޫގައި ހިމެނޭ ކަންތައްތަކުގެ ތެރެއިން ހައުސިންގ ޔުނިޓްތައް އެޅުމަށްޓަކައި މަސައްކަތްކުރެވޭނީ ކޮންގޮތަކަށްތޯބަލާ އެކަންތަކުގެ މަޝްވަރާތައްވެސް ޗައިނާއަށް ކުރެއްވި ދަތުރުފުޅުގައި ގެންދެވިފައިވާކަން ހިއްސާކުރެއްވިއެވެ. މިނިސްޓަރ ފާހަގަކުރައްވާފައިވާ ގޮތުގައި އޭގެ ފުރަތަމަ ޕްރޮޕޯސަލް މިހާރުވަނީ ސަބްމިޓްކުރެވިފައެވެ. އަދި އުއްމީދަކީ ފޭސްތަކަކަށް ބަހާލެވިގެން 5 އަހަރު ތެރޭގައި 30,000 ހައުސިންގ ޔުނިޓްތަކުގެ މަސައްކަތްފެށޭގޮތަށް ކަންތައްތައްކުރެއްވުންންކަމަށެވެ.
