ޢައްޒާއަށް އިސްރާއީލުން ދެމުންދާ ހަމަލާތަކުގައި އަލްޖަޒީރާގެ ދެ ނޫސްވެރިޔަކު މަރުވެއްޖެކަމުގައި އެނޫހުން ބުނެފިއެވެ.
އިސްރާއީލުގެ ހަމަލާތަކުގައި މަރުވެފައިވަނީ، އަލްޖަޒީރާ އަރަބި ބަހުގެ ނޫސްވެރިޔާ އިސްމާއިލް އަލް ޣޫލް އާއި އޭނާގެ ކެމެރާމަން ރާމީ އަލް ރިފީކަމުގައި އަލް ޖަޒިރާއިން ބުނެފައި ވެއެވެ.
އިސްރާއިލުން އެންމެ ފަހުން ދިން ނުރައްކާތެރި ހަމަލާގެ ކުރިންވެސް އިސްރާއީލުން ޣައްޒާއާ ދެކޮޅަށް ކުރަމުންދާ ހަނގުރާމައަކީ ނޫސްވެރިންނަށާއި މީޑިއާތަކުގައި މަސައްކަތް ކުރާ މީހުންނަށް ކުރިމަތިވި އެންމެ ނުރައްކާތެރި ހަމަނުޖެހުންކަމަށް މިހާރުވަނީ ބެލެވިފައެވެ.
ނިއުޔޯކްގައި ހުންނަ ކޮމެޓީ ޓު ޕްރޮޓެކްޓް ޖާނަލިސްޓުން ވަނީ ހަނގުރާމަ ފެށި ފަހުން ޖުލައި މަހުގެ ފަސް ވަނަ ދުވަހުގެ ނިޔަލަށް މަރުވި މީޑިއާ ވޯކަރުންގެ އަދަދު 108 އަށް އަރާއިރު، މިއީ 1992 ވަނަ އަހަރު އެ ޖަމާއަތުން ޑޭޓާ އެއްކުރަން ފެށި ފަހުން އައި އެންމެ ނުރައްކާތެރި ދުވަސްތައް ކަމަށް ބުނެފަ އެވެ.
