ހިންދީ ސިނަމާގެ ކާމިޔާބު އެތައް ފިލްމެއްގެ ސްކްރީންޕްލޭ އެކީގައި ލިޔުނު ކުރީގެ ހުނަރުވެރި ދެ ސްކްރީން ރައިޓަރުން ކަމަށްވާ ސަލީމް-ޖާވިދަށް ބިނާކޮށް ހަދާ ޑޮކިއުމަންޓަރީ "އެންގްރީ ޔަންގް މެން" މި އަހަރުގެ އޮކްޓޯބަރުގައި ބެލުންތެރިންނަށް ދޫކޮށްކަން ހަމަޖެހިފައިވާ ކަމަށް ރިޕޯޓްތައް ބުނެފި އެވެ.
މި އުފައްދާފައި ވަނީ ސަލީމް ޚާންގެ ދަރިފުޅު ސަލްމާން ޚާންގެ ފިލްމު ކުންފުންޏާއި ޖާވިދު އަޚްތަރުގެ ދަރިން ކަމަށްވާ ފަރުހާން އަޚްތަރުގެ އެކްސެލް އެންޓަޓަައިންމަންޓާއި ޒޯޔާ އަޚްތަރުގެ ޓައިގާ ބޭބީ ފިލްމްސް ގުޅިގެންނެވެ.އެކްސެލް އަކީ ފަރުހާނާއި ޕްރޮޑިއުސަރު ރިތޭޝް ސިދުވާނީގެ ކުންފުންޏެކެވެ. ޓައިގާ ބޭބީ އަކީ ޒޯޔާ އާއި ޑައިރެކްޓަރު ރީމާ ކަތުގީގެ ކުންފުންޏެކެވެ.
"އެންގްރީ ޔަންގް މެން" ޑައިރެކްޓަރަކީ މަޝްހޫރު ފިލްމު އެޑިޓަ ނަމްރަތާ ރާއޯ އެވެ. މިހާތަނަށް އެތައް ފިލްމެއް އެޑިޓްކުރި ނަމްރަތާ އަކީ އެ ދާއިރާ އިން ނެޝަނަލް އެވޯޑް ވެސް ހޯދާފައިވާ ފަންނާނެކެވެ.
View this post on Instagram
ސަލީމް-ޖާވިދުގެ ޑޮކިއުމަންޓަރީ އަށް "އެންގްރީ ޔަންގް މެން" ގެ ނަން ދީފައި ވަނީ އެ މީހުން ލިޔުނު ފިލްމުތަކުގައި އެފަދަ ކެރެކްޓާތައް ކުޅެގެން އަމީތާބް ބައްޗަން "އެންގްރީ ޔަންގް މޭން" ގެ ގޮތުގައި މަޝްހޫރުވެފައިވާތީ އެވެ.
ސަލީމް-ޖާވިދު ލިޔުނު ގިނަ ފިލްމުތައް އަދި އެންމެ ކާމިޔާބު ފިލްމުތަކުގެ އެކްޓަރެވެ. އޭގެ ތެރޭގައި "ކާލާ ޕައްތަރު"، "ދީވާރު". "ޝޯލޭ"، "ޑޮން"، "ޒަންޖީރު"، "ޓްރިޝުލް" އަދި "ދޯސްތާނާ" ހިމެނެ އެވެ.
މި ޑޮކިއުމަންޓަރީ ބެލުންތެރިންނަށް ގެނެސްދޭން ނިންމާފައި ވަނީ ސްޓްރީމިން ޕްލެޓްފޯމަކުންނެވެ. އެކަމަކު އެއީ ކޮން ޕްލެޓްފޯމެއްކަމާއި ޕްރީމިއާކުރާނެ ތާރީހެއް އަދި އިއުލާނެއް ނުކުރެ އެވެ.
