ދިރާގުން ހާއްސަ އީދު ޕްރޮމޯޝަނެއް ފަށައިފި އެވެ.
ދިރާގުން ބުނި ގޮތުގައި ޕްރޮމޯގެ ދަށުން ޓެކްސީ ޑްރައިވަރުންނަށް ހިލޭ 10ޖީބީގެ ޑޭޓާ ހިމެނޭ ހިލޭ މިފައި ޑިވައިސްއެއް ހޯދުމަށް އޮޕްޓް އިން ކުރެވޭއިރު، އެ ޑިވައިސް ބޭނުންކޮށްގެން ކަސްޓަމަރުންނަށް އިންޓަނެޓް ހޮޓްސްޕޮޓް ފޯރުކޮށްދެ އެވެ.
މާލެ ސިޓީ ސަރަހައްދުގައި ތައާރަފްކުރި މި ޕްރޮމޯގެ ސަބަބުން ޓެކްސީ ޑްރައިވަރުންގެ އިތުރުން ފަސިންޖަރުންނަށް ވެސް އިތުރު ފަސޭހަތަކާއި އަވަސް މުއާމަލާތްތަކެއް ލިބިގެންދާނެ ކަމަށް ދިރާގު ގަބޫލުކުރެ އެވެ.
ހިލޭ މިފައި ޑިވައިސް ހޯދަން ބޭނުންވާ ޓެކްސީ ޑްރައިވަރުންނަށް މާލެ’ ނުވަތަ ހުޅުމާލެ’ ގައި ހުންނަ ދިރާގު ކަސްޓަމަރ ސާވިސް ސެންޓަރުތަކަށް ޒިޔާރަތްކޮށް، ޓެކްސީ ކާޑު ވެރިފިކޭޝަންގެ ގޮތުގައި ދައްކާލެވޭނެ އެވެ.
ދިރާގުން ބުނި ގޮތުގައި މި ޕްރޮމޯ ކުރިއަށް ގެންދާނީ ފުރަތަމަ އަންނަ ފަރާތްތަކަށް ފުރަތަމަ ލިބޭ ގޮތަށް ކަމަށާއި، މި ޕްރޮމޯ ކުރިއަށް ދާނީ ޖުލައި 31 ގެ ނިޔަލަށެވެ.
ދިރާގުން ބުނެފައިވަނީ ކަސްޓަމަރުންނަށް ފޯރިގަދަ އާ އޮފާތައް ރަގަޅު އަގުގައި ފޯރުކޮށްދީގެން އާންމުންގެ ދިރިއުޅުމުގެ ހާލަތަށް ހެޔޮ ބަދަލުތައް ގެނައުމަކީ އެކުންފުނީގެ އަމާޒެކެވެ.
