ފަލަސްތީނަށް ދުނިޔޭގެ ސިއްހަތު ޖަމިއްޔާގެ މެމްބަރު ގައުމެއް ދަރަޖަ ދިނުމަށް ވާލްޑް ހެލްތު އެސެމްބްލީން ނިންމި ނިންމުމަށް ރައީސް މުއިއްޒު މަރުހަބާ ވިދާޅުވެއްޖެއެވެ.
ރައީސް މުއިއްޒު ކުރެއްވި އެކްސް ޕޯސްޓެއްގައި ވިދާޅުވީ ޔޫއެންގެ މެބްބަރު ގައުމެއްގެ ދަރަޖަ ދިނުމަށް އާންމު މަޖިލީހުން ނިންމުމާއި ގުޅިގެން، އެދަރަގައި ފަލަސްތީން ޑަބްލިއުއެޗްއޯއިންވެސް ބަލައިގަތުމަށް 77 ވަނަ ވާރލްޑް ހެލްތު އެސެމްބްލީން ނިންމި ނިންމުމަށް ވިދާޅުވާ ކަމުގައެވެ. އަދި މިގަރާރަށް ވޯޓުދިން 101 ގައުމުގެ ތެރޭގައި ރާއްޖެ ހިމެނޭކަމަށްވެސް ރައީސް ވިދާޅުވެފައި ވެއެވެ.
ރައީސްގެ އެކްސް ޕޯސްޓުގައި ވިދާޅުވީ މިއީ ފަލަސްޠީނުގެ ފުރިހަމަ ދައުލަތަށް ބައިނަލްއަޤްވާމީ ތާއީދު އިތުރުވެފައިވާކަމުގެ ނިޝާނެއް ކަމަށާއި، މި ޤަރާރަށް ރާއްޖެއިން ތާއީދުކުރަން ނިންމީ، ފަލަސްޠީނުގެ ރައްޔިތުންނަށް ދައުލަތެއްގެ ހައިސިއްޔަތު ނުލިބި އޮތް ޙައްޤަށާއި، ބައިނަލްއަޤްވާމީ ޖަމާޢަތްތަކުގެ ފުރިހަމަ މެންބަރުކަމަށް ދިވެހި ރައްޔިތުން ވަރަށް ބޮޑަށް ތާޢީދުކުރާތީ ކަމުގައެވެ.
އަޅުގަނޑުމެން ދެކޭގޮތުގައި މިއީ ދެމެހެއްޓެނިވި ޞުލްޙައަށް އެޅޭ ވަރަށް މުހިންމު ފިޔަވަޅެއް.
ރައީސް މުއިއްޒުގެ އެކްސް ޕޯސްޓުގައި ވިދާޅުވެފައި ވެއެވެ.
އިސްރާއީލުން ހިފާފައިވާ ހުޅަނގު އައްސޭރީގެ ބައެއް ސަރަހައްދުތަކުގައި ވެރިކަން ހިންގަމުންދާ ފަލަސްތީނު އޮތޯރިޓީއަށް ޑަބްލިއުއެޗްއޯގެ މެމްބަރު ގައުމުތަކުގެ ހުރިހާ ހައްގެއް ދިނުމަށް ވޯލްޑް ހެލްތު އެސެމްބްލީގެ ގަރާރަށް ބޮޑު ތަރުހީބެއް ލިބުމާ އެކު،ފަލަސްތީނުން ވަނީ ހުކުރު ދުވަހުގެ ރޭ ޑަބްލިއުއެޗްއޯގެ ފުރިހަމަ މެމްބަރޝިޕް ބަލައިގަތުމާއި ގާތަށް ދަތުރު ކޮށްފައެވެ.
އދ.ގެ އާންމު މަޖިލީހުގައި ފަލަސްތީނަށް ދައުލަތެއްގެ ދަރަޖަ ދިނުމަށް ނިންމާފައިވުމާއެކު، ފަލަސްތީނު ދައުލަތެއްގެ ގޮތުގައި ޑަބްލިއުއެޗްއޯއިން ވެސް ކަނޑައެޅުމާ ގުޅޭ ގަރާރު ފާސްކޮށްފައިވަނީ 101 މެމްބަރުންގެ ވޯޓުންނެވެ.
މި ވޯޓަކީ ބައިނަލްއަގްވާމީ ގޮތުން ބަލައިގަންނަ، ފަލަސްތީނުގެ މުއައްސަސާތަކުގެ ރަސްމީ ހިންގުން އޮންނަ ހުޅަނގު އައްސޭރީގެ ފަލަސްތީނުގެ ނޭޝަނަލް އޮތޯރިޓީ، ރާމަالله އަށް ލިބުނު މުހިންމު ޑިޕްލޮމެޓިކް ކާމިޔާބީއެކެވެ.
އިސްރާއީލުގެ ހަރުކަށި ސަރުކާރުތަކާއި ޣައްޒާގައި ހަރަކާތްތެރިވާ ހަމާސްގެ ވާދަވެރިންގެ ސަބަބުން ފާއިތުވި ދެ އަހަރު ދުވަހުގެ ތެރޭގައި ފަލަސްތީނުގެ ނޭޝަނަލް އޮތޯރިޓީ ވަނީ މަޑުމަޑުން ނިކަމެތިވެފަ އެވެ. ފަލަސްތީނުގެ ނޭޝަނަލް އޮތޯރިޓީ މުސްކުޅި ސިޔާސީ ލީޑަޝިޕުން ވެސް ހުޅަނގު އައްސޭރީގައި އިންތިހާބެއް ނުބާއްވާތާ ދިހަ ވަރަކަށް އަހަރު ވެއްޖެ އެވެ.
