މާދަމާ ބޭއްވުމަށް ހަމަޖެހިފައިވާ ރައްޔިތުންގެ މަޖިލިހުގެ އިންތިޚާބު ހިގަމުން ދާއިރު ވޯޓުލާ މަރުކަޒު ކައިރީގައި މޭޒާއި ގޮނޑި ޖަހައިގެން ތިބުމަކީ މަނާކަމެއް ކަމެއް ކަމުގައި ފުލުހުން ވިދާޅުވެއްޖެއެވެ.
ފުލުހުން މިރޭ ވިދާޅުވީ މާދަމާ ބޭއްވުމަށް ހަމަޖެހިފައިވާ ރައްޔިތުންގެ މަޖިލިހުގެ އިންތިޚާބާއި ގުޅޭގޮތުން މުވައްސަސާތަކުން ގުޅިގެން ބޭއްވި ނޫސްވެރިންގެ ބައްދަލުވުމެއްގައެވެ.
މި ބައްދަލުވުމުގައި ވާހަކަދައްކަވަމުން ސުޕްރިޓެންޑެންޓް އޮފް ޕޮލިސް ޝަރީފް ވިދާޅުވީ ވޯޓުލާ މަރުކަޒުތައް ކައިރީގައި ޓެންޓު ޖެހުމާއި ގޮނޑި ޖަހައިގެން ތިބުމަކީ މަނާ ކަމެއް ކަމަށް ކަނޑައަޅާފައިވާ ކަމަށެވެ.
އޭނާ ވިދާޅުވީ އެއީ ފާއިތުވި ރިޔާސީ އިންތިޚާބުގައިވެސް އަމަލު ކޮށްފައިވާ އުސޫލެއް ކަމުގައެވެ.
އޭގެ އިތުރަށް ފުލުހުން ވިދާޅުވީ މިފަހަރުގެ އިންތިޚާބުގައިވެސް ބޮޑީވޯން ކެމެރާ ބޭނުން ކުރާނެ ކަމަށެވެ. އޭގެ ސަބަބެއްގެ ގޮތުގައި އޭނާ ފާހަގަ ކުރެއްވީ ވޯޓުލާ މަރުކަޒުތަކުގައި ހިނގާ ކަންކަން ފުލުހުންގެ ކޮމާންޑް ސެންޓަރަށް ވަގުތުން ފެންނަ ގޮތް ހެދުން ކަމުގައެވެ.
ކޮމެންޓު ފޮނުވާ