މި ސަރުކާރުން ކުރިއަށްގެންދާނެ އެންމެ ބޮޑު އެއް މަޝްރޫއު ކަމަށްވާ ދެކުނު މާލެ އަތޮޅުގައި އޮންނަ ފުށިދިއްގަރު ފަޅު ބިން ހިއްކުމުގެ މަޝްރޫގެ އެއްބަސްވުން ބާތިލްކުރަންޖެހޭ ކަމުގައި ކުރީގެ ރައީސް ޔާމިން ވިދާޅުވެއްޖެއެވެ.
ރައީސް ޔާމިން މިހެން ވިދާޅުވީ 11 އަަހަރުގެ ޖަލު ހުކުމް ހައި ކޯޓުން ބާތިލް ކުރުމާއެކު، ރާއްޖެތެރެއަށް ކުރައްވަން ފެއްޓެވި ދަތުރުފުޅުގައި މިއަދު ފުވަމުއްލަކު ސިޓީ އަށް ވަޑައިގެން އެރަށުގައި ސަޕޯޓަރުންނާ ބައްދަލުކުރަައްވާ ވާހަކަދައްކަވަމުންނެވެ.
އަޅުގަނޑު އާއެކޭ ނުބުނާނަމޭ، މިހާރު ރަސްމާލެ ހިއްކަން އެ ކުރާ މަސައްކަތަށް އަޅުގަނޑުމެން ނުބުނާނަމޭ އާއެކޭ، އަޅުގަނޑުމެން އަޅުވެތިވާ ގޮތަށް އަޅުގަނޑުމެންގެ ބިންތައް ނުއަގުގަ ވިއްކާލާ ވިއްކާލުމަށް މިއަދުވެސް މި ބުނަނީ ނޫނެކޭ، އެ އެގްރީމެންޓު ބާތިލް ކުރާށޭ.
ރައީސް ޔާމިން ވިދާޅުވިއެވެ.
ރައީސް ޔާމިން ވިދާޅުވި ރައްޔިތުންނަށް ފައިދާ ނުވާ އެއްވެސްކަމަކަށް އާބަސް ވިދާޅު ނުވާނެ ކަމުގައެވެ.
ފުށި ދިއްގަރު ފަޅު ހިއްކުމުގެ މަސައްކަތް ހަވާލު ކޮށްފައިވަނީ ކޮންޓްރެކްޓާ ފައިނޭންސިންގެ އުސޫލުން ލަންކާ ކުންފުންޏެއް ކަމަށްވާ ކެޕިޓަލް މެރިން އެންޑް ސިވިސް ކޮންސްޓްރަކްޝަން (ސީއެމްސީ) ކުންފުންޏާއެވެ. ސީއެމްސީން ވަނީ ސަބް-ކޮންޓްރެކްޓް އުސޫލުން ބިން ހިއްކުމުގެ މަސައްކަތް ނެދަލެންޑްސްގެ ބޮސްކާލިސްއާ ހަވާލުކޮށްފައެވެ.
