ރައީސް އައްޑޫ ސިޓީއަށް ވަޑައިގެންފި

ރައީސް މުއިއްޒު މިއަދު އައްޑޫ ސިޓީއަށް ވަޑައިގެންފިއެވެ.

އަދި ރައީސް އައްޑޫ ސިޓީއަށް ވަޑައިގަންނަވަނީ ކުރިޔަށް އޮތް މަޖިލިސް އިންތިޚާބަށް އެންމެ 10 ދުވަހަށް ވެފައި ވަނިކޮށެވެ. އަދި މިރޭ 20:15 ރައީސް އައްޑޫ ރައްޔިތުންނާއި ބައްދަލުކުރުން އައްޑޫ ހައި ސްކޫލުގައި ޖަލްސާއެއް ބޭއްވުމަށްވެސް ވަނީ ހަމަޖެހިފައެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ހައްދުންމަތީގެ ބައެއް ރަށްތަކަށް ކުރައްވާ ރަސްމީ ދަތުރުފުޅު ނިނަވާލެއްވީ މިއަދުއެވެ.

ރައީސުލްޖުމްހޫރިއްޔާގެ މި ދަތުރުފުޅުގައި ހައްދުންމަތީގެ ބައެއް ރަށްތަކަށް ޒިޔާރަތްކުރައްވައި، އެ ރަށްރަށުގެ ރައްޔިތުންނާއި ކައުންސިލްތަކާއި އ.ތ.މ. ކޮމިޓީތަކާ ބައްދަލުކުރައްވައި، އެރަށްރަށުގެ ތަރައްޤީއަށް ބޭނުންވާ ކަންކަމާއި، ރައްޔިތުން އެންމެ އެދޭކަންކަމާ ގުޅޭގޮތުން މަޝްވަރާ ކުރައްވާފައި ވެއެވެ.

މި ދަތުރުފުޅުގައި ރައީސުލްޖުމްހޫރިއްޔާގެ އަރިހުގައި ސަރުކާރުގެ މަތީފަންތީގެ ވަފުދެއް ބައިވެރިވެވަޑައިގެންފައި ވެއެވެ.