2005 ވަނަ އަހަރު ނެރުނު ކާމިޔާބު ކޮމެޑި ފިލްމް "ނޯ އެންޓްރީ" ގެ ދެވަނަ ބައި "ނޯ އެންޓްރީ މޭ އެންޓްރީ" އިން 10 ބަތަލާއިން ފެނިގެންދާނެ ކަމަށް ބޯނެ ކަޕޫރު ބުނެފިއެވެ.
މި ފިލްމްގެ އައު ކާސްޓަކާއި އެކުގައި ގެނެސްދޭ އިރުގައި މި ފިލްމްގެ ލީޑުން ފެނިގެންދާ ތިން އެކްޓަރުންނަކީ އަރުޖުން ކަޕޫރު އާއި ވަރުން ދަވަން ގެ އިތުރުން ދިލްޖީތް ދިސާންޖް އެވެ. ޒުވާން ކާސްޓާއި އެކުގައި ފިލްމްގެ ދެވަނަ ބައެއްގެނެސްދޭއިރުގައި މި ފިލްމް އަކީ ކޮމެޑީ ރޮމޭންޓިކް ފިލްމްއެކެވެ.
ފިލްމުގެ ޕްރޮޑިއުސަރު ބޯނޭ ބުނީ ފިލްމް އިން 10 ބަތަލާއިން ފެނިގެންދާނެ ކަމަށެވެ. އެގޮތުން މިހާރު ބަތަލާއިން ހަމަޖެއްސުމުގެ މަސައްކަތް ކުރަމުން އަންނަ ކަމަށް ބޯނީ ބުންޏެވެ. އެހެން ކަމުން ވަރަށް އަވަހަށް އިތުރު ކާސްޓާއި ބެހޭގޮތުން މައުލޫމާތު ލިބިގެން ދާނެ ކަމަށް ބެލެވެއެވެ.
ދެވަނަ ބައި ވެސް ޑައިރެކްޓްކުރާނީ ފުރަތަމަ ބައި ވެސް އަނީސް ބަޒްމީ އެވެ. "ނޯ އެންޓްރީ" ގެ ކާސްޓްގައި ހިމެނުނީ އަނިލް ކަޕޫރާއި ސަލްމާން ޚާނާއި ފަރުދީން ޚާނާއި ބިޕާޝާ ބާސޫ އާއި ލާރާ ދައްތާ އާއި އީޝާ ޑިއޯލްގެ އިތުރުން ސެލީނާ ޖެއިޓްލީ އެވެ.
