ކުރިޔަށް އޮތް ރައްޔިތުންގެ މަޖިލިހުގެ އިންތިޚާބުގައި، ޕީއެންސީގެ ޓިކެޓްގައި މެދުހެންވޭރު ދާއިރާއަށް ވާދަކުރާ ހުސެއިން ނާސިހުގެ ޑޯރޓުޑޯ އިވެންޓަށް އޭނާއާއެކު ރައީސް މުއިއްޒު ނިކުންނެވުމުން، މަގުމަތިން ދިމާވިމީހަކު، ފާއިތުވި ފެބްރުއަރީމަހު ބޭއްވުނު އެދާއިރާގެ ޕްރައިމަރީގައި ވާދަކުރި ހަސަން ޝިޔާމްއާ އާދޭތެރޭ ޕްރައިމަރީގައި ކަން ހިގައިދިޔަ ގޮތުގެ އުދާސްތައް ރައީސް މުއިއްޒުގެ ކުރިފުޅުމަތީގައި ބަންޑުކޮށްލައިފިއެވެ.
މަގުމަތީގައި ރައީސް މުއިއްޒުގެ ކުރިފުޅުމަތީ ހުރި އަންހެން ބޭފުޅަކު އޭނާގެ އުދާސްތައް ބަންޑުން ކޮށްލަމުން ބުނެފައިވަނީ އެމީހުން ރައީސް މުއިއްޒުއަށް ވޯޓުދީ ގޮނޑީގައި ބޭންދީ ވަރަށް ލޯބިން ކަމަށާއި، ރިޔާސީ އިންތިޚާބުގައި 4 ފޮށި ހަސަން ޝިޔާމް ރައީސް މުއިއްޒުއަށް ނަގައިދިން ކަމަށެވެ. އަދި އޭނާ ބުނެފައިވަނީ އޭނާ ދަފްތަރުންވެސް ކަޑާލީ ޕްރައިމަރީ އޮތް ދުވަހުގެ ކުރީރޭ ފަތިހު ކަމަށެވެ.
އޭނާ ބުނީ ހަސަން ޝިޔާމް ޕްރައިމަރީން ވަކިކުރަން ސިޓީ ފޮނުވާ، އޭނާއާމެދު ކަންކުރީ އިހާނާތްތެރިކޮށް ކަމަށެވެ. ވީޑިއޯގައި ވާހަކަ ދެއްކި މީހާ ދެއްކި ވާހަކަތަކަށް ބަލާއިރު، އޭނާ ދެެއްކި ވާހަތަކަށް، އެ މައުލޫމާތު ލިބިފައި ނެތްކަމަށް ވިދާޅުވެ ރައީސް މުއިއްޒު ޖަވާބު ދެއްވިކަމަށް ބެލެވެއެވެ.
އިއްޔެ މެންދުރު އެމްޑީޕީގަ ހުރި މީހެއް ގޮވައިގެން ތި އުޅުއްވަނީ. ދާއިރާގެ ލޯތްބެއް ނެތް. ކޮބައިތޯ މިތާ ދާއިރާ މީހުން. ނެތޭ.
ރައީސް މުއިއްޒުގެ އަރިހުގައި ހުންނެވި، މެދުހެންވޭރު ދާއިރާއަށް ޕީއެންސީގެ ޓިކެޓްގައި ވާދަކުރަމުންދާ ހުސެއިން ނާސިހުއަށް ނިސްބަތްކޮށް އަންހެން މީހާ ބުނެފައި ވެއެވެ.
އޭނާ ވަނީ ރައީސް މުއިއްޒު ހެއްދެވީ ކިހިނެއްތޯ ސުވާލު ކޮށް، އޭނާގެ ނަންވެސް ދަފްތަރުން ކަނޑާލާފައިވާ ކަމަށާއި، އަދި ރައީސް މުއިއްޒުއާއެކީ ކެމްޕޭނަން ނިކުންނަވާ ހުންނެވި ހުސެއިން ނާސިހުއަކީ އެމްޑީޕީގައި ހުރި މީހެއް ކަމުގައި ބުނެފައެވެ.
ފާއިތުވި ޕީއެންސީގެ ޕްރައިމަރީގައި މެދު ހެންވޭރު ދާއިރާއަށް ކުރިމަތިލީ ހަސަން ރަމީޒް (ޓިމޯ) އާއި ހުސެއިން ނާސިހެވެ. އޭގެ އިތުރުން ހަސަން ޝިޔާމް (ވީބީ ޝިޔާމް) ވެސް ކުރިން ވާދަ ކުރަން ނިންމި އެވެ. ނަމަވެސް އޭނާ ފަހުން ނަން ނެގީ އެވެ. ހަސަން ޝިޔާމް ނަންނެގީ، އޭނާ ޕްރައިމަރީއަށް ޝަރުތު ހަމަނުވާކަމަށް ބުނެ ޕީއެންސީން ފޮނުވި ސިޓީއާއި ގުޅިގެންނެވެ. އެހެންނަމަވެސް ޕީއެންސީން ފަހުންވަނީ އެސިޓީތައް ބާތިލް ކޮށްފައެވެ.
ސުޕްރިމް ކޯޓުން ފައިތުވި ހަފްތާގައި ވަނީ ސާބިތު ދަރަންޏެއް އޭނާ އޮތްކަމަށް ނިންމާ އޭނާގެ ކެނޑިޑަސީ ބާތިލް ކޮށްފައެވެ.
