ހުޅުމާލޭގައި ރޭ ހިނގި ހާދިސާއެއްގައި، ސައިކަލެއް ކައްސާލައިގެން އަންހެނަކަށް އަނިޔާވެ، އަދި ފުލުހުން އެކުއްޖާއަށް އަނިޔާކުރިކަމަށް ތުހުމަތުކޮށްފައިވާ މައްސަލާގައި ފުލުހުންގެ އެތޭރެގެ ތަހުގީގެއް ކުރަން ހަމަޖައްސާފައިވާކަމަށް ފުލުހުން ބުނެފިއެވެ.
ފުލުހުން މިއަދު ހެނދުނު ބުނެފައިވަނީ، ފުލަހަކު އަނިޔާ ކުރިކަަމަށް ބުނާ ހާދިސާއަކީ ރޭގެ 22:05 ހާއިރު ފުލުހުން ހުޅުމާލެ ފޭސް 2 ގައި ޤާއިމްކޮށްފައިހުރި ވެހިކަލް ޗެކް ޕޮއިންޓަކާއި އަރާ ހަމަވުމުން ސައިކަލު އެކްސެލެރޭޓްކޮށް ޗެކް ޕޮއިންޓްގެ ފަހަތުގައި ތިބި ފުލުހުންގައިން ނައްޓާ ކުރިއަށް ދިއުމަށް އުޅުމުގެ ތެރޭގައި ސައިކަލް ވެއްޓިގެން ހިނގާފައިވާ ހާދިސާއެއް ކަމުގައެވެ.
އަދި ސައިކަލްދުއްވާފައިވަނީ ލައިސަންސް ނެތް ފަރާތެއް ކަމަށާއި، ހުޅުމާލެ ހޮސްޕިޓަލުން އަނިޔާވިފަރާތްތަކަށް ރޭގައި ފަރުވާ ދެވުނުކަމަށްވެސް ފުލުހުން ހާމަކޮށްފައި ވެއެވެ.
އެހެންނަމަވެސް ކައްސާލާއިގެން ވެއްޓުނު އަންހެން ކުއްޖާގެ އާއިލާއިން އެކުއްޖާއަށް އަނިޔާކޮށްފައިވާކަމަށް ބުނެ ރޭ އަޑުއުފުލާފައިވާކަމަށް ސޯޝަލް މީޑިއާގައިވަނީ ރިޕޯޓު ކޮށްފައެވެ.
ފުލުހުންގެ ތަރުޖަމާން އަހްމަދު ޝިފާން ވިދާޅުވި ގޮތުގައި އެ ހާދިސާއާ ގުޅިގެން ފުލުހުންގެ އެތެރޭގެ ތަހުގީގެއް ހިންގަން ވަނީ ނިންމާފައެވެ.
އެކްސިޑެންޓްގެ ވީޑިއޯ ވެސް މިހާރު ވަނީ އާންމުވެފައެވެ. ވީޑިއޯ އިން ފެންނަ ގޮތުން އަންހެން މީހާ ވެއްޓެނީ ފުލުހުން މަޑުކުރަން އެންގުން މަޑުނުކޮށް ބާރަށް ދުއްވާފައި ދަނިކޮށެވެ.
ކޮމެންޓު ފޮނުވާ