ރައީސް މުއިއްޒު މިހެން ވިދާޅުވީ ރައީސް އޮފީހުން ގެނެސްދޭ "ރައީސްގެ ޖަވާބު" ސިލްސިލާގެ މިއަދުގެ ސެގްމަންޓުގައި ހުޅުމާލެ ފްލެޓް H-16-16-05، ފާޠިމަތު ޙަސަން މަނިކު ކުރެއްވި ސުވާލަށް ޖަވާބު ދެއްވަމުންނެވެ.
ފާޠިމަތު ޙަސަން މަނިކު ކުރި ސިވާލުގައި ވިދާޅުވީ ޕެންޝަން ފަންޑަށް ޖަމާވާ ފައިސާ، ވަޒީފާއިން ވަކިވުމާއެކު ލިބޭނެ އިންތިޒާމެއް ހަމަޖެއްސިދާނެތޯއެވެ.
އެސުވާލުގެ ޖަވާބުގަ ރައީސް ވިދާޅުވީ ޕެންޝަންގެ ފައިސާއަކީ ވަކި ގާނޫނަކުން ފޯރުކޮށްދެމުންދާ އިނާޔަތެއް ކަމަށާއި އެ އިނާޔަތަށް އެއްވެސް ބަދަލެއް ގެނެވޭނީ ޕެންޝަނާބެހޭ ގާނޫނަށް އިސްލާހު ގެނެސްގެން ކަމުގައެވެ.
ޕެންޝަންއަކީ ވަކި ގާނޫނެއްގެ ދަށުން ނަގަމުންދާ އެއްޗެއްކަށްވާމީ ސަރުކާރަށް އެއަށް ބަދަލެއް ގެނެވޭނީ ގާނޫނު އިސްލާހު ކޮށްގެން. އަޅުގަޑު ބޭނުން ޕެންޝަން ސްކީމް ވަރުގަދަ ކުރަންވެސް، އޭގެ ފައިދާ އެންމެ ރަގަޅު ގޮތުގައި އިތުރުވާނެ ގޮތް ހަދަންވެސް. ދެން އެއަށް އެއްވެސްކަހަލަ ބަދަލެއް ގެނެވޭނި ރައްޔިތުންގެ މަޖިލިހަށް ހުށަހަޅައިގެން. އެހެންވީމަ ތި ވިދާޅުވިހަކަ އިސްލާހުތައް ގެނެވޭނެ ފުރުސަތު މަޖިލިސް ތެރެއިން ލިބިގެން ދިއުމަކީ ތިވިދާޅުވި ކަހަލަ ކަންތައްތައް ކުރެވޭނެގޮތް މަގުފަހު ވާނެގޮތް.
ރައީސް ވިދާޅިވިއެވެ.
ރައީސް ވިދާޅުވީ އާންމުންގެ ކަންބޮޑުވުން ގަބޫލުކުރެވޭ ކަމަށާއި، އެހެންނަމަވެސް ޕެންޝަންގެ ފައިސާއިން ބޭނުން ކުރެވޭނެ ގޮތް ހެދެން އަންނީ މަޖިލިސް ތެރެއިން ކަމުގައެވެ.
